Batys Qazaqstan oblysy ákiminiń qyzmettik kóligine qatysty shyqqan aqparatqa túsinikteme berildi. Bul týraly BQO ákiminiń baspasóz hatshysy Jarqyn Jýmadilov habarlady.
"Ákimniń qyzmettik kóligi úshin biýdjetten qarjy bólinbedi. Iaǵni, jańa kólik satyp alynǵan joq. Osy ýaqytqa deiin bolǵan «Mersedes» kóliginiń jalǵa alý ýaqyty 2016 jyldyń 31-jeltoqsanynda aiaqtalǵan bolatyn. Jańa jyldan bastap, "Aýdi" A8 kóligin jalǵa alynǵany ras. Arenda ai saiyn 50 myń teńge. Eger kúmən bolsa arnaiy saýal joldaýlaryńyzǵa bolady", deidi Jarqyn Jýmadilov.
"Bul kólik 2015 jyly shyqqan, iaǵni salonnan alynǵan sý jańa avtomashina emes. Taratylǵan aqparatta osy kóliktiń eń ozyq úlgisiniń salondaǵy baǵasy kórsetilgen. Qaitalap aitamyn, 56 mln teńge biýdjetten qarjy bólingen joq. Oǵan da saýal joldaýǵa bolady" deidi ol.
Baspasóz hatshysy atalǵan kólik túriniń salondaǵy baǵasyn alǵa tartyp, aqparatty burmalamaýdy surady.
Aita ketsek, osyǵan deiin BAQ-tarda Batys Qazaqstan oblysynyń ákimi Altai Kólginovtiń 56 million teńge turatyn Audi A8 markaly qyzmettik kólikpen júrgeni habarlanǵan edi.
