Qazaqstan Ulttyq banki 447 kásiporyn arasynda saýalnama júrgizdi, nátijiesinde ekonomika boiynsha iskerlik belsendilik indeks kórsetkishi edáýir ósken.
«2020 jyldyń mamyr aiynda ekonomikadaǵy iskerlik belsendilik indeksi 50-den tómen bolyp qaldy, biraq iskerlik belsendiliktiń birshama qalpyna kelýi baiqaldy, indeks 44,0 kórsetti (2020 jylǵy sáýirde - 37,2). Kórsetkishtiń baiaýlaýy ekonomikanyń barlyq sektorlarynda oryn aldy, aitarlyqtai - qyzmet kórsetý salasynda oryn aldy. Mamyr aiynda qyzmet kórsetý salasyndaǵy iskerlik belsendilik indeksi 42,8, qurylysta - 42,1, ónerkásipte - 46,9 qurady (2020 jylǵy sáýirde - sáikesinshe 34,7, 36,3 jáne 42,1)», – dep habarlady Ulttyq bank.
Desekte, basqa salalarmen salystyrǵanda, qyzmet kórsetý salasynda 2020 jyldyń mamyr aiynda iskerlik belsendilik indeksiniń edáýir jaqsarǵany baiqaldy (ósim 8,1 p.t.), bul indekstiń barlyq komponentteriniń kúsheiýine bailanysty boldy.
Qurylys salasynda jańa tapsyrystar sanynyń jáne jumyspen qamtý deńgeiiniń ósýi aldyńǵy aimen salystyrǵanda iskerlik belsendiliktiń quldyraýynyń baiaýlaýyna ákeldi. Ónerkásip salasynda da indekstiń barlyq komponentteriniń jaqsarýy indikatordyń shamaly ósýine ákeldi.
Qazaqstan ekonomikasynda Biznes-ahýal indeksi (BAI) 2020 jylǵy mamyr aiynda (-) 13,7 qurady, sáýirde bul kórsetkish (-) 31,6 boldy. Biznesti júrizý jaǵdaiy azdap jaqsardy jáne Qazaqstannyń naqty sektoryndaǵy kásiporyndar úshin qiyndyǵy tómendedi, biraq soǵan qaramastan, teris dinamikasy jalǵasýda.
2020 jylǵy mamyr aiynda barlyq salalardaǵy kásiporyndardyń oń baǵalaý sanynyń artýyna bailanysty saýalnamaǵa qatysqan kásiporyndardyń aǵymdaǵy jaǵdaiyn baǵalaýy jaqsardy, ol (-) 26,3 qurady. Naqty sektordaǵy kásiporyndardyń iskerlik kútimi 2020 jyldyń maýsym aiynda (-) 0,13, sáýirde - (-) 19,6 qurady.
