Almaty qalasynda elimizdegi shaǵyn jáne orta biznesti damytý maqsatynda jasalǵan ashyq tsifrlyq platformanyń kórsetilimi uiymdastyryldy. «SmArt Point» kovorkinginde ótken kezdesýge almatylyq biznes qaýymdastyq pen ismet.kz platformasynyń ázirleýshileri qatysty.
Ismet.kz – bul «Qazaqtelekom» AQ jáne Tehnologiialyq damý jónindegi ulttyq agenttiktiń birlesip jasaǵan ashyq tsifrlyq platformasy. Kezdesýdiń basty maqsaty kásipkerlerge ismet.kz-tiń múmkindikteri men artyqshylyqtaryn jetkizý.
Basqosýǵa kelgen biznes qaýymdastyqtyń músheleri platformanyń qyzmetteri men erekshelikterin tolyqtai bile aldy. Onyń ereksheligi – sapaly mamandar kóp kezdese bermeitin ýaqytta árbir kásipkerge jón siltei alýynda bolyp otyr. Jarnama jasaýǵa járdemdesip, biznesińizge qajetti qyzmetterdi alýdyń ornyn almastyrady. Nátijesinde, tosynnan týyndaityn kedergiler oryn almai, kásibińiz dami túsedi.
Almatydaǵy tsifrlyq platformanyń kórsetiliminde biznesti qalai júrgizý kerek, taýardy qalai satqan durys, tiimdi sheshimdi qalai qabyldaýǵa bolady degen syndy suraqtar qozǵaldy. «Qazaqtelekom» AQ AKT qyzmetter jónindegi basqarýshy direktory Bikesh Qurmanǵalieva tsifrlandyrýdyń artyqshylyqtary men múmkindikterin aita otyryp, ismet.kz-tiń áleýetin tilge tiek etti.
Al EasyPay, «Podpishi.Onlain» tsifrlyq servisteriniń negizin salýshy Oljas Qundaqbaev bolsa, kásipkerlerge ismet.kz arqyly qyzmetterdi usynýdyń tiimdiligin jetkizdi. Bul eń aldymen klienttik bazasyn arttyrý, kásiptiń salasyna bailanysty baǵyttalǵan jarnamalaý, alǵashqy qyzmetterdi usynatyn kompaniialardyń arasynda bolýdyń mańyzyn habarlady.
Oljas Qundaqbaevtan basqa, «eSALYQ» jobasynyń jáne «Birinshi kredittik biýro» uiymynyń ókilderi óz qyzmetterin tanystyrǵan bolatyn.
Kezdesý barysynda suraq-jaýap aidary bolyp, kásipkerler spikerlerge ózderin tolǵandyrǵan suraqtaryn qoia aldy. Qatysýshylar tsifrlyq platformaǵa qyzyǵýshylyqtaryn bildirip, saittaǵy ózderiniń paraqshalaryn quryp tirkelgen bolatyn. «Qazaqtelekom» AQ-nyń uiymdastyrýshylary kásipkerlerdiń usynystaryn tyńdap, qyzmet túrleriniń artatynyń habarlady.
Aita ketetin jait, eger sizdi qyzyqtyratyn qyzmet túri ismet.kz-te tabylmasa, onda siz bul týraly saitqa kirip, jazýǵa múmkindigińiz bar. Eshbir usynys jerge tastalmaidy. Sol sebepti myqty shaǵyn jáne orta biznesti birge quraiyq!
