Pavlodardaǵy qaiyrymdylyq balynda ótken aýktsionda oblys ákimi Bolat Baqaýovtyń portreti satyldy.
Áleýmettik jelide taraǵan video boiynsha, aimaq basshysy beinelengen kartina 31 million teńgege (shamamen 82 myń dollar) satyldy. Rolik kadrlarynan kartinany satyp alǵan azamatty – jergilikti kásipker Gnel Akopiandy da kórýge bolady.
Bul video áleýmettik jelide jariialanǵannan keiin Pavlodar oblysynyń ákimdigi jedel túrde brifing ótkizdi. Onda óńir basshysynyń baspasóz hatshysy Ernar Seitahmet shyn mánisinde ákimniń portreti birshama az soma – 700 myń teńgege (1,8 myń dollardan astam) satylǵanyn resmi túrde málimdedi.
Onyń málimetinshe, oblys ákiminiń dástúrli qaiyrymdylyq balynda barlyǵy 52,2 million teńge (138 myń dollar) jinaldy. Seitahmettiń aitýynsha, bul somaǵa aýktsionda biletter men zattardyń satylymynan túsken qarjy kiredi.
"Pavlodar oblysynyń ákimi Bolat Baqaýovtyń portretin oǵan aýǵan jaýyngerleri syilaǵan. Ol 700 myń teńgege satyldy. Kartinany biznesmenderdiń biri satyp aldy, kim ekenin naqty bilmeimin", - dep túsinikteme berdi Ernar Seitahmet.
