پاۆلودارداعى قايىرىمدىلىق بالىندا ٶتكەن اۋكتسيوندا وبلىس ەكٸمٸ بولات باقاۋوۆتىڭ پورترەتٸ ساتىلدى.
ەلەۋمەتتٸك جەلٸدە تاراعان ۆيدەو بويىنشا, ايماق باسشىسى بەينەلەنگەن كارتينا 31 ميلليون تەڭگەگە (شامامەن 82 مىڭ دوللار) ساتىلدى. روليك كادرلارىنان كارتينانى ساتىپ العان ازاماتتى – جەرگٸلٸكتٸ كەسٸپكەر گنەل اكوپياندى دا كٶرۋگە بولادى.
بۇل ۆيدەو ەلەۋمەتتٸك جەلٸدە جارييالانعاننان كەيٸن پاۆلودار وبلىسىنىڭ ەكٸمدٸگٸ جەدەل تٷردە بريفينگ ٶتكٸزدٸ. وندا ٶڭٸر باسشىسىنىڭ باسپاسٶز حاتشىسى ەرنار سەيتاحمەت شىن مەنٸسٸندە ەكٸمنٸڭ پورترەتٸ بٸرشاما از سوما – 700 مىڭ تەڭگەگە (1,8 مىڭ دوللاردان استام) ساتىلعانىن رەسمي تٷردە مەلٸمدەدٸ.
ونىڭ مەلٸمەتٸنشە, وبلىس ەكٸمٸنٸڭ دەستٷرلٸ قايىرىمدىلىق بالىندا بارلىعى 52,2 ميلليون تەڭگە (138 مىڭ دوللار) جينالدى. سەيتاحمەتتٸڭ ايتۋىنشا, بۇل سوماعا اۋكتسيوندا بيلەتتەر مەن زاتتاردىڭ ساتىلىمىنان تٷسكەن قارجى كٸرەدٸ.
"پاۆلودار وبلىسىنىڭ ەكٸمٸ بولات باقاۋوۆتىڭ پورترەتٸن وعان اۋعان جاۋىنگەرلەرٸ سىيلاعان. ول 700 مىڭ تەڭگەگە ساتىلدى. كارتينانى بيزنەسمەندەردٸڭ بٸرٸ ساتىپ الدى, كٸم ەكەنٸن ناقتى بٸلمەيمٸن", - دەپ تٷسٸنٸكتەمە بەردٸ ەرنار سەيتاحمەت.
