Foto: kursiv.media
Biyl 21 mamyrdan bastap granttyq jobalarǵa 1 572 800 teńge qaitarymsyz aqshaǵa qujat qabyldana bastaidy. Bul joba biznes ashyp, ony damytamyn degen kásipkerlerge arnalǵan. Jeńimpazdarǵa 400 AEK nemese 1,5 mln teńge kóleminde qarajat beredi. Shamamen 4500 adamǵa grant berý josparlanǵan. Ár adam grantty tek bir-aq ret ala alady. Osy oraida Ult.kz tilshisi atalǵan jobaǵa qalai qatysýǵa bolatynyn anyqtap kórdi.
Úmitker qalai qatysady?
Aldymen qatysýshy portalǵa tirkelip, grant sharttaryna sai bolýyn tekserýden ótý kerek. Sodan keiin úlgi boiynsha biznes-jospar toltyryp júktep, ótinim formasyn toltyryp, EKQ qol qoiady.
Ótinish bergender jumyssyz retinde rásimdelgen bolýy qajet nemese keiingi úsh jylda jeke kásipker retinde tirkelgen bolýy tiis. Sondai-aq áleýmettik osal toptardyń (múgedektigi bar azamattar, kóp balaly otbasylar, qandastar jáne t.b) birine jatýy tiis.
Ol ǵana emes, sonymen qatar, úmitkerdiń «Biznes Bastaý» jobasynan kásipkerlikke qatysty oqýdan ótti degen sertifikaty bolǵanyna qaraidy.
«Granttar tegin beriledi, qarajat jańa biznesti ashýǵa jáne damytýǵa jumsalýy kerek. Grant somasy 400 AEK, iaǵni 1 572 800 teńge. Árbir qatysýshy ony tek bir ret ala alady. Grant qarajaty umtylǵan kásipkerlerge biznes áleýetin ashýǵa, óndiristi qurýǵa jáne damytýǵa, sol arqyly ózderin turaqty tabyspen qamtamasyz etýge múmkindik beredi. Talapkerler komissiia otyrystarynda biznes-jobasyn tanystyrady. Komissiianyń árbir múshesi biznes-jospardy baǵalaidy jáne kelesi kriteriiler boiynsha baǵalaý paraǵyn toltyrady: biznes-ideianyń básekege qabilettiligi, ótkizý naryqtarynyń damýy, biznes-jobanyń qarjylyq turaqtylyǵy, kásipkerlik daǵdylardyń deńgeii, jańa jumys oryndarynyń ashylýy. Osylaisha, grant berý týraly sheshimdi komissiia qabyldaidy jáne úmitkerlerdiń biznes-jobalaryn ázirleýdi baǵalaýdyń naqty kriteriileri negizinde júzege asyrylady», – dep habarlady Eńbek jáne halyqty áleýmettik qorǵaý ministrligi.
Osylaisha, grant berý týraly sheshimdi komissiia qabyldaidy jáne úmitkerlerdiń biznes-jobalaryn ázirleýdi baǵalaýdyń naqty kriteriileri negizinde júzege asyrylady.
«Protsestiń ashyqtyǵyn qamtamasyz etý, adami faktordy azaitý jáne ótinish berýshilerge yńǵaily bolý úshin grant berý tolyǵymen elektrondyq formatqa aýystyryldy. Grantqa ótinishter Business.enbek.kz portaly arqyly «bir tereze» qaǵidaty boiynsha qabyldanady. Grant qarajatyn qajetti qural-jabdyq, eńbek quraldaryn, tehnologiialyq jabdyqtar satyp alý, mal, qus, janýarlar, kóshet, buta, tuqym alý nemese ǵimarat jaldaý aqysyn tóleý úshin alýǵa bolady», – dep jazylǵan habarlamada.
Kim grant ala alady?
Úmitkerler komissiia aldynda biznes-jobasyn qorǵaidy. Árbir komissiia múshesi biznes-josparmen tanysyp, ony baǵalaidy. Komissiia sheshimi úmitkerdiń portaldaǵy jeke kabinetine jiberiledi. Oń sheshim shyqsa, úmitker bank rekvizitin kórsetedi. Soǵan qarajat aýdarylady. Kelisimge qol qoiylyp, toqsan saiyn qarajattyń jumsalǵany jaily esep beredi.
Grant alý úshin birqatar sharttar oryndalýy kerek.
– Jańa biznes-ideiany júzege asyrý úshin grantqa úmitkerler:
– tirkelgen jumyssyzdar;
– jeke kásipkerler (tirkeý merzimi – 3 jylǵa deiin).
Bul jaǵdaida ótinish berýshi kelesi áleýmettik sanattardyń birine jatýy tiis:
– múgedekter;
– jaramdy «candace» mártebesi bar tulǵalar;
– aimaqaralyq migranttar;
– az qamtylǵan otbasy músheleri;
– kóp balaly otbasynyń múshesi (jubaiy);
– múgedek balany (zaiybyn) tárbielep otyrǵan adam;
– asyraýshysynan aiyrylý boiynsha járdemaqy alýshylar.
Úmitkerde úsh jyldan aspaityn «Bastau Business» jobasy boiynsha kásipkerlik negizderin oqytý týraly sertifikat bolýy kerek.
Múmkindigi basym jobalar
Qarjy mamandarynyń aitýynsha, granttar tutynýshylyq maqsattarǵa, nesielik qaryzdardy óteýge, jyljymaityn turǵyn úidi satyp alýǵa jáne salýǵa, jer telimderin satyp alýǵa, aktsizdeletin taýarlardy óndirýge berilmeidi.
«Dál osyndai qadamdarǵa jol berilmeý úshin, talapkerden «Bastau Business» jobasy boiynsha oqytýdy qalai aiaqtap, oqý sertifikatyn alý mindetteledi. Al bul joba boiynsha oqýǵa múmkindik alatyn tulǵalar: resmi jumyssyzdar, qysqartylatyn jáne Kodekstiń 207-babynyń 1-tarmaǵynda belgilengen zeinetkerlik jasqa tolmaǵan qyzmetkerler, dara kásipker jáne (nemese) áreket etpeitin dara kásipkerler retinde tirkelmei tabys alý maqsatynda taýarlardy óndirý (ótkizý) jónindegi qyzmetti derbes júzege asyrý, otbasylyq kásipkerlikte aqysyz qyzmetti óz betinshe júzege asyrý, tabysy eń tómen kúnkóris deńgeiinen tómen satý (aiyrbastaý) úshin jeke qosalqy sharýashylyǵynda taýar óndirý jónindegi qyzmetti derbes júzege asyrý, tabysy eń tómengi kúnkóris deńgeiinen tómen óndiristik kooperativ músheleri jáne bastaýshy jáne/nemese jumys istep turǵan jeke kásipkerler. Jalpy onlain kýrstyń uzaqtyǵy oqý kýrsy bastalǵan kúnnen bastap 14 (on tórt) kúntizbelik kúnnen aspaidy. Onlain kýrs tegin usynylady jáne oqý materialdaryn óz betinshe zerdeleý arqyly jeke negizde júrgiziledi. Árbir onlain oqytý modýlin aiaqtaǵannan keiin qatysýshynyń alǵan bilimderi men daǵdylaryn igerýin anyqtaý úshin aralyq test júrgiziledi. Kelesi modýlge ótý úshin aralyq testileýdegi suraqtardyń jalpy sanyna keminde 70% durys jaýap jinaý kerek», – deidi qarjyger Dáýletkeldi Nurlanov.
Aita keteiik, onlain oqytý kýrsy kezinde aralyq testileýden ótý áreketteriniń sany shektelmeidi. Kýrstyń sońynda testileý júrgiziledi.
Grant alýǵa úmitkerlerdiń ótinimi men biznes-jobasyn mansap ortalyǵynyń jańa biznes-ideialardy iske asyrýǵa arnalǵan granttar alýǵa úmitkerlerdiń ótinimderin qaraý jónindegi komissiia otyrysynda qaraýyna usynady. Komissiia otyrysy portalda ótinim berý merzimi aiaqtalǵannan keiin 10 jumys kúni ishinde ótkiziledi.
Qarajat qalai nesielenedi?
Grant alýǵa úmitkerlerdiń ótinimi men biznes-jobasyn mansap ortalyǵynyń jańa biznes-ideialardy iske asyrýǵa arnalǵan granttar alýǵa úmitkerlerdiń ótinimderin qaraý jónindegi komissiia otyrysynda qaraýyna usynady. Komissiia otyrysy portalda ótinim berý merzimi aiaqtalǵannan keiin 10 jumys kúni ishinde ótkiziledi.
Komissiia grant berý týraly oń sheshim qabyldaǵan jaǵdaida, grant alýǵa úmitker tiisti habarlamany alǵan kúnnen bastap 5 jumys kúni ishinde Qazaqstan Respýblikasynyń salyq zańnamasyna sáikes óz qyzmetin salyq organdarynda tirkeidi jáne «Eńbek naryǵy» AAJ jiberiletin portalda jeke kásipkerdiń derektemeleri bar banktik shotty usynady. Tiisti rásimderden keiin 5 jumys kúni ishinde aqsha kásipkerdiń aǵymdaǵy banktik shotyna túsedi.
Grant alýshynyń toqsan saiyn qarajatty paidalaný týraly esep berýi mańyzdy. Munyń barlyǵy eńbek utqyrlyǵy ortalyqtary men olardyń filialdaryna (mansap ortalyqtaryna) barmai-aq, elektrondy túrde júzege asyrylady.
Aqbota Musabekqyzy
