Foto: Pexels.com
Astanada ózin biznes-trener retinde tanystyrǵan alaiaq birneshe azamatty san soqtyrdy, dep habarlaidy Ult.kz.
Ol Instagram arqyly onlain-saýda kýrstaryn usynyp, keiin turmystyq tehnikany kóterme saýdaǵa qarjy salýdy usynǵan. Salynǵan qarajattyń 10%-y kóleminde tabysqa ýáde etkenimen, sharttaryn oryndamai, aqshany iemdenip, bailanysyn úzgen.
Tergeý nátijesinde onyń 50 mln teńgeden astam zalal keltirgen 10 alaiaqtyq áreketi dáleldendi. Sot úkimimen qylmysker 5 jylǵa bas bostandyǵynan aiyryldy.
Prokýratýra alaiaqtyq jasaǵan jaǵdaida múlikti tárkileýmen qosa, 10 jylǵa deiingi bas bostandyǵynan aiyrý jazasy qarastyrylǵanyn eskertedi.
