Biznes áleýmettik jaýapkershilik tanytýda: Kásipker jáne metsenat Mýhamed Izbastin sý tasqynyna qarsy kúreske 450 mln teńge bóldi, dep habarlaidy "Ult aqaparat" Dauletten telegram arnasyna silteme jasap.
Prezident Qasym-Jomart Toqaev sý tasqynyn "sońǵy segiz onjyldyqtaǵy aýqymy men saldary boiynsha eń eleýli apat" dep sipattady. Óz sózinde ol biznes ókilderin apat saldaryn joiýǵa belsendi qatysýǵa shaqyrdy.
Biznes ókilderiniń jaýaby kóp kúttirgen joq. 2024 jyldyń sáýir aiynyń sońyndaǵy jaǵdai boiynsha iri biznes sý tasqyny saldaryn joiýǵa 160 milliard teńgeden astam kómek kórsetildi. Olardyń ishinde jarty milliard teńgege jýyq qarjy bólgen Kásipker jáne metsenat Mýhamed Izbastin bar.
"Sý tasqyny saldarynan Qazaqstan aýmaǵynyń edáýir bóligi zardap shekti. Men sý tasqyny saldarymen kúresýge 450 million teńge kóleminde qarajat bóldim. Iá, qazir úlken sý sheginip jatyr, biraq problemalar áli de bar jáne olardy birlesip jáne jedel sheshý kerek. Árbir iri biznesmenniń birlesken kúsh - jigerimen biz bul synaqty jedel jeńe alatynymyzǵa senimdimin", - dep atap ótti Izbastin.
