QR Premer-Ministri Asqar Maminniń tóraǵalyǵymen ótken Úkimet otyrysynda biznes ahýaldy jaqsartý sharalary qaraldy, dep habarlaidy "Ult aqparat" primeminister.kz saityna silteme jasap.
Atalǵan baǵytta atqarylyp jatqan jumystar týraly QR ulttyq ekonomika ministri R. Dálenov, «Atameken» UKP basqarma tóraǵasynyń orynbasary E. Jumaǵaziev jáne QR Premer-Ministriniń birinshi orynbasary – qarjy ministri Á. Smaiylov baiandady.
QR-da kásipkerlikti qoldaý «Biznestiń jol kartasy», «Eńbek» jáne «Qarapaiym zattar ekonomikasy» baǵdarlamalary aiasynda júzege asyrylýda. 2019 jyly osy baǵdarlamalar aiasynda 5903 joba boiynsha qarjylyq qoldaý kórsetildi, onyń 3700-i jumys istep turǵan kásiporyndarǵa jáne 2200-i jańa óndiris ornyn qurýǵa nemese jumys istep turǵandaryn keńeitýge baǵyttaldy.
2019 jyly JIÓ-degi ShOB úlesi 29,5%-dy qurady. Ótken bes jylda ákimshilik kedergilerdi jáne biznestiń túrli operatsiialyq shyǵyndaryn qysqartýǵa baǵyttalǵan zańnamalyq bastamalardyń 7 paketi qabyldandy.
Qabyldanǵan reformalardyń nátijesi — Qazaqstannyń biznesti júrgizý jeńildigi boiynsha Dúniejúzilik banktiń «Doing Business» reitingisinde álemniń 190 memleketiniń arasynda TOP-25 úzdik eldiń qataryna kirýi boldy.
Qazirgi ýaqytta biznes ahýaldy jaqsartý máseleleri boiynsha zańnamalyq sharalardyń 8-paketi ázirlenip, Parlamenttiń qaraýyna jiberildi. Qujat sharttardy tirkeý rásimin ońailatýdy (mórtaban qoiýdy joiý), qosylǵan qun salyǵyn tóleýshini tirkeý tártibin jedeldetýdi (onlain, 1 kún ishinde), 1 kún ishinde onlain banktik shottardy ashý múmkindigin, jekelegen rásimder boiynsha habarlaý qajettigin boldyrmaýdy (MSQB, jol politsiiasy), aqparatqa jariia qol jetkizý arqyly mámilelerdiń qaýipsizdigin arttyrýdy (tyiym salý, aýyrtpalyqtar, zańdy tulǵalar úshin jyljymaityn múlikke menshik quqyǵy týraly), birqatar ruqsat berý qujattaryn bir paketke biriktirýdi jáne t. b. qarastyrady.
«Úkimet aldyna ShOB rólin kúsheitý jáne onyń el ekonomikasyndaǵy úlesin 2025 jylǵa qarai keminde 35%-ǵa, al 2050 jylǵa qarai 50%-ǵa jetkizý mindeti qoiyldy. Osy kórsetkishterge qol jetkizý jáne biznesti damytýǵa barynsha qolaily jaǵdai jasaý úshin aýqymdy ári josparly jumystar júrgizilip jatyr», — dedi A. Mamin.
Premer-Ministr biznesti damytýǵa yqpal etetin jáne azamattardyń kásipkerlik belsendiligin yntalandyratyn sharalar men baǵdarlamalardyń tiimdiligin atap ótti.
«Qazirgi ýaqytta Memleket basshysynyń alǵa qoiǵan mindetterin sapaly ári tiimdi sheshý úshin úilesimdi jumysty qolǵa alý kerek. Osyǵan bailanysty biznes ahýaldy jaqsartý boiynsha 8-shi sharalar paketin qabyldaýdy jedeldetip, osy jyldyń 1 maýsymyna deiin Parlamentte tiisti jumystardy júrgizý qajet», — dedi A. Mamin.
Úkimet basshysy Ulttyq ekonomika ministrligine osy jyldyń 1 shildesine deiin «Bir tereze» qaǵidaty negizinde kásipkerlerdi memlekettik qoldaý sharalaryn alý rásimderin jeńildetetin «Bizneske arnalǵan Úkimet» jobasyn iske asyrý jumystaryn aiaqtaýdy tapsyrdy.
