قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا بيزنەس احۋالدى جاقسارتۋ شارالارى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
اتالعان باعىتتا اتقارىلىپ جاتقان جۇمىستار تۋرالى قر ۇلتتىق ەكونوميكا مينيسترٸ ر. دەلەنوۆ, «اتامەكەن» ۇكپ باسقارما تٶراعاسىنىڭ ورىنباسارى ە. جۇماعازيەۆ جەنە قر پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸ ە. سمايىلوۆ باياندادى.
قر-دا كەسٸپكەرلٸكتٸ قولداۋ «بيزنەستٸڭ جول كارتاسى», «ەڭبەك» جەنە «قاراپايىم زاتتار ەكونوميكاسى» باعدارلامالارى اياسىندا جٷزەگە اسىرىلۋدا. 2019 جىلى وسى باعدارلامالار اياسىندا 5903 جوبا بويىنشا قارجىلىق قولداۋ كٶرسەتٸلدٸ, ونىڭ 3700-ٸ جۇمىس ٸستەپ تۇرعان كەسٸپورىندارعا جەنە 2200-ٸ جاڭا ٶندٸرٸس ورنىن قۇرۋعا نەمەسە جۇمىس ٸستەپ تۇرعاندارىن كەڭەيتۋگە باعىتتالدى.
2019 جىلى جٸٶ-دەگٸ شوب ٷلەسٸ 29,5%-دى قۇرادى. ٶتكەن بەس جىلدا ەكٸمشٸلٸك كەدەرگٸلەردٸ جەنە بيزنەستٸڭ تٷرلٸ وپەراتسييالىق شىعىندارىن قىسقارتۋعا باعىتتالعان زاڭنامالىق باستامالاردىڭ 7 پاكەتٸ قابىلداندى.
قابىلدانعان رەفورمالاردىڭ نەتيجەسٸ — قازاقستاننىڭ بيزنەستٸ جٷرگٸزۋ جەڭٸلدٸگٸ بويىنشا دٷنيەجٷزٸلٸك بانكتٸڭ «Doing Business» رەيتينگٸسٸندە ەلەمنٸڭ 190 مەملەكەتٸنٸڭ اراسىندا توپ-25 ٷزدٸك ەلدٸڭ قاتارىنا كٸرۋٸ بولدى.
قازٸرگٸ ۋاقىتتا بيزنەس احۋالدى جاقسارتۋ مەسەلەلەرٸ بويىنشا زاڭنامالىق شارالاردىڭ 8-پاكەتٸ ەزٸرلەنٸپ, پارلامەنتتٸڭ قاراۋىنا جٸبەرٸلدٸ. قۇجات شارتتاردى تٸركەۋ رەسٸمٸن وڭايلاتۋدى (مٶرتابان قويۋدى جويۋ), قوسىلعان قۇن سالىعىن تٶلەۋشٸنٸ تٸركەۋ تەرتٸبٸن جەدەلدەتۋدٸ (ونلاين, 1 كٷن ٸشٸندە), 1 كٷن ٸشٸندە ونلاين بانكتٸك شوتتاردى اشۋ مٷمكٸندٸگٸن, جەكەلەگەن رەسٸمدەر بويىنشا حابارلاۋ قاجەتتٸگٸن بولدىرماۋدى (مسقب, جول پوليتسيياسى), اقپاراتقا جارييا قول جەتكٸزۋ ارقىلى مەمٸلەلەردٸڭ قاۋٸپسٸزدٸگٸن ارتتىرۋدى (تىيىم سالۋ, اۋىرتپالىقتار, زاڭدى تۇلعالار ٷشٸن جىلجىمايتىن مٷلٸككە مەنشٸك قۇقىعى تۋرالى), بٸرقاتار رۇقسات بەرۋ قۇجاتتارىن بٸر پاكەتكە بٸرٸكتٸرۋدٸ جەنە ت. ب. قاراستىرادى.
«ٷكٸمەت الدىنا شوب رٶلٸن كٷشەيتۋ جەنە ونىڭ ەل ەكونوميكاسىنداعى ٷلەسٸن 2025 جىلعا قاراي كەمٸندە 35%-عا, ال 2050 جىلعا قاراي 50%-عا جەتكٸزۋ مٸندەتٸ قويىلدى. وسى كٶرسەتكٸشتەرگە قول جەتكٸزۋ جەنە بيزنەستٸ دامىتۋعا بارىنشا قولايلى جاعداي جاساۋ ٷشٸن اۋقىمدى ەرٸ جوسپارلى جۇمىستار جٷرگٸزٸلٸپ جاتىر», — دەدٸ ا. مامين.
پرەمەر-مينيستر بيزنەستٸ دامىتۋعا ىقپال ەتەتٸن جەنە ازاماتتاردىڭ كەسٸپكەرلٸك بەلسەندٸلٸگٸن ىنتالاندىراتىن شارالار مەن باعدارلامالاردىڭ تيٸمدٸلٸگٸن اتاپ ٶتتٸ.
«قازٸرگٸ ۋاقىتتا مەملەكەت باسشىسىنىڭ العا قويعان مٸندەتتەرٸن ساپالى ەرٸ تيٸمدٸ شەشۋ ٷشٸن ٷيلەسٸمدٸ جۇمىستى قولعا الۋ كەرەك. وسىعان بايلانىستى بيزنەس احۋالدى جاقسارتۋ بويىنشا 8-شٸ شارالار پاكەتٸن قابىلداۋدى جەدەلدەتٸپ, وسى جىلدىڭ 1 ماۋسىمىنا دەيٸن پارلامەنتتە تيٸستٸ جۇمىستاردى جٷرگٸزۋ قاجەت», — دەدٸ ا. مامين.
ٷكٸمەت باسشىسى ۇلتتىق ەكونوميكا مينيسترلٸگٸنە وسى جىلدىڭ 1 شٸلدەسٸنە دەيٸن «بٸر تەرەزە» قاعيداتى نەگٸزٸندە كەسٸپكەرلەردٸ مەملەكەتتٸك قولداۋ شارالارىن الۋ رەسٸمدەرٸن جەڭٸلدەتەتٸن «بيزنەسكە ارنالعان ٷكٸمەت» جوباسىن ٸسكە اسىرۋ جۇمىستارىن اياقتاۋدى تاپسىردى.
