Zorlyq-zombylyqqa qarsy «Ne molchi» qorynyń negizin qalaýshy Dina Tańsári jábirlenýshilerdiń quqyǵyn qorǵaý jumystary týraly aityp berdi, dep habarlaidy QazAqparat.
«Ne molchi» uiymy 2016 jyldan beri volonterlik bastamada turmystyq-seksýaldyq zorlyq-zombylyq qurbandarymen jumys istep keledi. Uiymdy eshkim qarjylandyrmaidy, 4 adam ǵana jumys isteidi. Keńse de joq, kólik te joq, ailyq ta joq. Biraq osy 4 jyldyń ishinde esh qarajatsyz, jalań entýziazmmen kóptegen qazaqstandyqtardyń oi-sanasyn ózgerttik, tipti zańdy ózgertýge yqpal ete aldyq», - dedi Dina Tańsári QR Aqparat jáne qoǵamdyq damý ministrligi ótkizgen onlain jinalysta.
Onyń aitýynsha, 4 jyldaǵy keshendi jáne júieli jumys arqyly júzdegen qazaqstandyq áieldiń quqyǵy qorǵalǵan. Sot protsesinde ókil bolý arqyly 52 zorlyqshy qylmystyq jaýapqa tartylǵan.
«Budan bylai zorlyq qurbandary únsiz qalmaidy, osylaisha qoǵam zorlyqtyń shekten shyqqan, sadistik formasyn kórdi. Balaly áielder ózderiniń agressor seriktesteriniń tutqynyna ainaldy. Zorlyq-zombylyq qurbandarynyń málimdemesi arqyly jáne qoǵamnyń zańdy ózgertý týraly talabynan soń Úkimet pen depýtattar zorlyqshynyń jazadan sytylyp ketetinin, taraptardyń ońai ymyraǵa keletinin baiqady. Qazaqstan Prezidenti Qasym-Jomart Toqaev áielder men balalardyń quqyǵyn qorǵaityn zań ázirleýdi tapsyrdy. 2020 jyldyń basynda zorlaý qylmysy aýyr sanatqa aýystyryldy jáne jaza merzimi uzartyldy. Qazir de Parlamentte elimiz úshin mańyzdy zań – Otbasylyq-turmystyq zorlyq-zombylyqqa qarsy is-qimyl zańy qaralyp jatyr», - dedi D. Tańsári.
Sonymen birge, spiker «Ne molchi» senim telefonyna kún saiyn 10-40 qońyraý kelip túsetinin aitty.
«2020 jyldyń 25 mamyrynan beri meniń jeke telefonyma - 112 qońyraý, «Ne molchi» senim telefonyna – 204 qońyraý tústi. WhatsApp jelisine jábirlenýshilerden 164 habarlama keldi. Bul – bir aidyń ǵana kórsetkishi. Onyń ishinde 52 is boiynsha protsesti jalǵastyryp, áielderge túrli konsýltatsiia berip jatyrmyz. Kúnnen-kúnge shaǵymdanýshylar kóbeiip jatyr, onyń bárine qalai úlgeremiz dep te oilaimyn. Nege olar politsiiaǵa barmai, qoǵamdyq qorlardy izdeidi? Jaqynda ǵana Ishki ister ministri Erlan Turǵymbaev zardap shekken 10 áieldiń ekeýi ǵana politsiiaǵa aryzdanatynyn aitty. Men aitaiyn, qalǵan 8 áiel bizge – qoǵam belsendilerine barady. Demek, bizdiń zańymyzdy jetildirý kerek. Bizdiń politsiia zorlyq-zombylyq qurbandaryn qorǵaýda sharasyz», - dedi Dina Tańsári.
