Komsomoldyń keshegi 100 jyldyǵy – óskeleń urpaqqa úlgi kórsetýi tiis bolǵan bizdiń saiasi elitanyń ózi baǵyt-baǵdaryn, «aqidasyn» taba almai, áli kúnge deiin adasyp júrgenin kórsetti. Bul bizdiń qazirgi júieniń diagnozy. Osy 25 jyldyń ishinde otarsyzdaný protsesin júrgizgende, dál mundai saiasi soraqylyq bolmas edi bizde qazir...
Biraq bul «mereitoiǵa» qatysqandardyń ishinde halyqqa jany jaqyn tulǵalar bar. Bárin bir shybyqpen aidai salǵanymyz da durys emes shyǵar. Ol – Imanǵali Tasmaǵambetov. Táýelsizdiktiń altyn besigi - Almatynyń qaq tórinde ótken birtúrli jiyndy áleýmettik jelidegiler qatty synǵa aldy ǵoi, kórdińizder. Solardyń arasynan Imanǵali aǵamyzdy da baiqap qaldym da, áttegen-ai, qosaq arasynda ketetin boldy ǵoi dedim. Eriksiz kelip qatysqan adam ekeni kórinip-aq tur. Ol kisi komsomol komitetinde birinshi hatshy bolyp jumys istep, birneshe jyl boiy Atyraýdaǵy komsomoldyń odaǵyn basqarǵan.
Jiynǵa qatysqandardyń kóbi jan-tánimen sol kezeńdi ańsaityndar bolǵanymen, dál Imanǵalidyń boiynan ondai qulshynysty, ondai birtúrli patriotizmdi baiqai qoimadym. Kerisinshe, osy bir dańǵaza shýdy asa jaqtyrmaityny, ózin basqa bir ortaǵa túsip qalǵan adamdai sezinip turǵany kórinip turdy. Máskeýde elshi bolyp isteitini taǵy bar.
Bunyń bári sol jaqtan kelip jatqan «epidemiia» ǵoi. Biliktiń ózi ruqsat berip otyrǵan komsomoldyń 100 jyldyǵyna arnaiy kelip qatyspasa, taǵy eki ottyń arasynda qalatyny belgili jáit edi. Mundaida saiasi júiege qarsy shyǵyp, aǵysqa qarsy júzgennen góri úndemei-aq sol «sektanttardyń» shabashyna kelip qatyssa, ózine de, halyqtyń qamy kúshin de áldeqaida durys sheshim bolyp shyǵady. Imekeńniń bul jiynǵa osyndai oimen kelgenine kúmánim joq. Tasmaǵambetovtyń komandasynda jumys istegen, ony bir kisidei biletin adam bolǵan soń aityp otyrmyn!..
Jolymbet Mákishtiń feisbýktaǵy jazbasynan
