Memleket basshysy Qasym-Jomart Toqaev elimizdegi tehnikalq-kásiptik bilim beretin kolledjderdi reformalaýdyń joldaryn atady, dep habarlaidy QazAqparat.
«Tehnikalyq-kásiptik bilimdi ary qarai damytý kerek. «Jas maman» jobasy aiasynda 180 kolledjdiń materialdyq-tehnikalyq bazasyn jańartyp jatyrmyz. Tegin tehnikalyq bilim berý baǵdarlamasymen jyl saiyn 100 myń stýdent qamtylady. Az qamtylǵan jáne kópbalaly otbasylardan shyqqan balalar jeke nazardy qajet etedi. Úkimet tehnikalyq-kásiptik bilimi bar kadrlardy daiyndaý úshin (atalǵan sanattaǵy jastar úshin de) memlekettik tapsyrysty arttyrý máselesin jetildirýi kerek», - dedi Prezident Ulttyq qoǵamdyq senim keńesiniń otyrysynda.
Memleket basshysy sonymen qatar tehnikalyq-kásiptik bilim beretin kolledjderde akademiialyq eriktilikti engizý, nesielik júiege kóshý, jas basyna eseptep qarjylandyrý – mańyzdy reformalarǵa ainalýy kerektigin málim etti.
«Bizdiń kásiptik baǵdar eńbek naryǵyndaǵy aldaǵy 10-15 jyl ishindegi qajettilikti eskerýi kerek. Ol úshin Bilim jáne ǵylym ministrligi «Jańa mamandyqtar men quziretterdiń atlasyn» engizýi tiis», - dedi ol.
