مەملەكەت باسشىسى قاسىم-جومارت توقاەۆ ەلٸمٸزدەگٸ تەحنيكالق-كەسٸپتٸك بٸلٸم بەرەتٸن كوللەدجدەردٸ رەفورمالاۋدىڭ جولدارىن اتادى, دەپ حابارلايدى قازاقپارات.
«تەحنيكالىق-كەسٸپتٸك بٸلٸمدٸ ارى قاراي دامىتۋ كەرەك. «جاس مامان» جوباسى اياسىندا 180 كوللەدجدٸڭ ماتەريالدىق-تەحنيكالىق بازاسىن جاڭارتىپ جاتىرمىز. تەگٸن تەحنيكالىق بٸلٸم بەرۋ باعدارلاماسىمەن جىل سايىن 100 مىڭ ستۋدەنت قامتىلادى. از قامتىلعان جەنە كٶپبالالى وتباسىلاردان شىققان بالالار جەكە نازاردى قاجەت ەتەدٸ. ٷكٸمەت تەحنيكالىق-كەسٸپتٸك بٸلٸمٸ بار كادرلاردى دايىنداۋ ٷشٸن (اتالعان ساناتتاعى جاستار ٷشٸن دە) مەملەكەتتٸك تاپسىرىستى ارتتىرۋ مەسەلەسٸن جەتٸلدٸرۋٸ كەرەك», - دەدٸ پرەزيدەنت ۇلتتىق قوعامدىق سەنٸم كەڭەسٸنٸڭ وتىرىسىندا.
مەملەكەت باسشىسى سونىمەن قاتار تەحنيكالىق-كەسٸپتٸك بٸلٸم بەرەتٸن كوللەدجدەردە اكادەمييالىق ەرٸكتٸلٸكتٸ ەنگٸزۋ, نەسيەلٸك جٷيەگە كٶشۋ, جاس باسىنا ەسەپتەپ قارجىلاندىرۋ – ماڭىزدى رەفورمالارعا اينالۋى كەرەكتٸگٸن مەلٸم ەتتٸ.
«بٸزدٸڭ كەسٸپتٸك باعدار ەڭبەك نارىعىنداعى الداعى 10-15 جىل ٸشٸندەگٸ قاجەتتٸلٸكتٸ ەسكەرۋٸ كەرەك. ول ٷشٸن بٸلٸم جەنە عىلىم مينيسترلٸگٸ «جاڭا ماماندىقتار مەن قۇزٸرەتتەردٸڭ اتلاسىن» ەنگٸزۋٸ تيٸس», - دەدٸ ول.
