Elimizge kelip jatqan sheteldikterde esep joq. Osyǵan qarap, bizdiń el esik- terezesi joq úi siiaqty degen oiǵa kelemin. Kelip jatqan migranttardyń ishinde qanshama lańkes, dini ekstremist, aýrý-syrqaý, qańǵybas qaiyrshy bar eken? Bulardyń barlyǵy da migratsiialyq kartany toltyrady da, elimizge kire beredi. Kelip jatqandardyń arasynda adal kásipkerler joq emes, bar. Biraq, jeńil tabys izdep, zańǵa qaishy áreket jasaityndar (azamattyq alý úshin jalǵan nekege turatyndar men urlyq-zorlyq jasaityndar) odan áldeqaida kóbirek. Bul jaǵdaidy ákimqaralar “elimizde jumys kúshi tapshy” dep jaýyp qoiady.
Menińshe, búgingi aýmaly-tókpeli zamanda shekaramyzdy aiqara ashyp, kóldeneń kók attynyń barlyǵyn kirgize berýimiz – bolashaǵymyzǵa balta shabýmen birdei.
Osy rette migratsiia týraly zańǵa ózgeris engizip, shekara asýshylarǵa qatań talap qoiý qajet. “Jumys izdep keldiń be? Patent al, densaýlyq týraly anyqtamańdy ótkiz!” jáne t.b. Osylai betimen kete berse, baqylaýsyz júrgen migranttar bizdi jarǵa jyǵatyny kúmánsiz.
Beken Nurlybaev, Almaty.
