"Bizdiń Denis" kitabynyń elektrondyq nusqasyn QR Mádeniet jáne sport ministrliginiń resmi saitynan oqý múmkindigi paida boldy.
Qazaqstan Respýblikasy Mádeniet jáne sport ministrliginiń tapsyrysy boiynsha QR Ulttyq kitaphanasy qazaqstandyq tanymal mánerlep syrǵanaýshy Denis Tenniń qaza tabýyna bailanysty "Bizdiń Denis" dep atalatyn kitap basyp shyǵardy.
Kitapta sportshynyń ómirbaiany, jarqyn suhbattary, sondai-aq el, otbasy jáne ómir týraly aitylǵan pikirleri keltirilgen. Onda Denistiń sirek kezdesetin jáne jarystar men ár túrli is-sharalardan estelik fotosýretteri, sondai-aq álemdik jáne qazaqstandyq juldyzdardyń estelikteri bar.
Kitaptyń elektrondy nusqasyn www.mks.gov.kz saitynan da oqýǵa bolady.
Aita ketsek, QR Mádeniet jáne sport ministrligi qazaqstandyq tanymal mánerlep syrǵanaýshy jaiynda «Bizdiń Denis» atty kitaptyń qosymsha 2 myń danasyn ázirlep jatyr.
«Biz Denis týraly barlyq maǵlumattardy jinastyryp, atalmysh kitapty bir túnniń ishinde shyǵardyq. Ony syrǵanaýshymen qoshtasý rásimi kezinde Barys-Arenada tarattyq. Sondai-aq, qosymsha aqparat jinaqtap, 2000 dana taralymmen shyǵarýdy josparlap otyrmyz, - dedi ministrliktiń baspasóz hatshysy Aidar Qyryqbai.
Baspasóz hatshysy kitaptyń 10 beti Denis Tenmen qoshtasý kezinde tanymal otandastarymyz aitqan sózdermen tolyǵatynyn jetkizdi.
