Foto: Ózbekstan boks federatsiiasy
Tokio Olimpiadasynyń chempiony Bahodir Jalolov Ózbekstannyń BAQ-taryna bergen suhbatynda Qazaqstan men Ózbekstan boksyn salystyryp, qai eldiń sharshy alańda myqty ekenin aitty, dep habarlaidy halyq-uni.kz portaly.
Boksshy taiaýda Tailandta ótken 22 jasqa deiingi sportshylar arasyndaǵy Aziia chempionaty Ózbekstannyń jeke jarysyna ainalǵanyn atap ótti.
"Aziia chempionatynda bizdiń eldiń boksshylary 10 salmaq dárejesinde bolǵan aiqastarda 9 altyn medaldi jeńip aldy. Mundai jaǵdai tarihta buryn-sońdy bolmaǵan. Ras, byltyr álem chempionatynda Qazaqstan bizden kóbirek júlde aldy. Onda boksshy áielderdiń nátijeleri de esepke alynǵan. Osy turǵydan alǵanda olar bizden alda boldy. Al áielderdi eseptemegende biz, árine, iri jarystarda Qazaqstannyń aldyn orap kelemiz. Bizdiń boks qazaq boksynan myqty", – dedi ol.
Sonymen birge, ol qazaq pen ózbek boksynda sporttyń basqa túrlerindegi siiaqty burynnan báseke bolyp kele jatqanyn, Ózbekstannyń áýesqoi bokstan álem úzdigi sanalatynyn atap ótti.
