فوتو: ٶزبەكستان بوكس فەدەراتسيياسى
توكيو وليمپياداسىنىڭ چەمپيونى باحودير جالولوۆ ٶزبەكستاننىڭ باق-تارىنا بەرگەن سۇحباتىندا قازاقستان مەن ٶزبەكستان بوكسىن سالىستىرىپ, قاي ەلدٸڭ شارشى الاڭدا مىقتى ەكەنٸن ايتتى, دەپ حابارلايدى halyq-uni.kz پورتالى.
بوكسشى تاياۋدا تايلاندتا ٶتكەن 22 جاسقا دەيٸنگٸ سپورتشىلار اراسىنداعى ازييا چەمپيوناتى ٶزبەكستاننىڭ جەكە جارىسىنا اينالعانىن اتاپ ٶتتٸ.
"ازييا چەمپيوناتىندا بٸزدٸڭ ەلدٸڭ بوكسشىلارى 10 سالماق دەرەجەسٸندە بولعان ايقاستاردا 9 التىن مەدالدٸ جەڭٸپ الدى. مۇنداي جاعداي تاريحتا بۇرىن-سوڭدى بولماعان. راس, بىلتىر ەلەم چەمپيوناتىندا قازاقستان بٸزدەن كٶبٸرەك جٷلدە الدى. وندا بوكسشى ەيەلدەردٸڭ نەتيجەلەرٸ دە ەسەپكە الىنعان. وسى تۇرعىدان العاندا ولار بٸزدەن الدا بولدى. ال ەيەلدەردٸ ەسەپتەمەگەندە بٸز, ەرينە, ٸرٸ جارىستاردا قازاقستاننىڭ الدىن وراپ كەلەمٸز. بٸزدٸڭ بوكس قازاق بوكسىنان مىقتى", – دەدٸ ول.
سونىمەن بٸرگە, ول قازاق پەن ٶزبەك بوكسىندا سپورتتىڭ باسقا تٷرلەرٸندەگٸ سيياقتى بۇرىننان بەسەكە بولىپ كەلە جاتقانىن, ٶزبەكستاننىڭ ەۋەسقوي بوكستان ەلەم ٷزدٸگٸ سانالاتىنىن اتاپ ٶتتٸ.
