Nur Otan partiiasynyń aldynda úlken mindetter tur. QR Tuńǵysh Prezidenti-Elbasynyń baspasóz hatshysy Aidos Úkibai Twitter-degi paraqshasynda osylai dep jazdy.
«Búgin Nur Otan partiiasynyń Saiasi keńesiniń keńeitilgen otyrysy ótedi. Sharaǵa Elbasy Nursultan Nazarbaev tóraǵalyq etedi. Partiia aldyna úlken mindetter qoiylmaq. Bizdi úlken ózgerister kútip tur»,-dep jazdy Aidos Úkibai.
Esterińizge sala ketsek, 16 tamyzda «Nur Otan» partiiasynyń lideri Nursultan Nazarbaev 21 tamyz kúni Úkimettiń, partiianyń Parlament Májilisindegi fraktsiiasynyń jáne óńir basshylarynyń qatysýymen ótetin partiianyń Saiasi keńesiniń keńeitilgen otyrysyn shaqyrý týraly qaýlyǵa qol qoiǵan bolatyn.
Sol kúni Qazaqstannyń Tuńǵysh Prezidenti Nursultan Nazarbaev «Nur Otan» partiiasynyń Saiasi keńesi Biýrosynyń otyrysyn ótkizip, partiialastarynyń aldynda qandai mindetter turǵanyn ataǵan edi.
Otyrys barysynda partiia baǵdarlamalarynyń oryndalýs men aldaǵy kezeńge arnalǵan jumystyń basym baǵyttary qaraldy.
Elbasy barlyq azamattardy memlekettiń ótkir áleýmettik-ekonomikalyq problemalaryn sheshý úshin partiiaǵa qosylýǵa shaqyrdy. El aimaqtaryndaǵy azamattardyń problemalaryn sheshýde «Nur Otan» partiiasynyń jumysyn jandandyrý qajettigin atap ótti. Sonymen qatar, «Nur Otan» partiiasynyń tóraǵasy Qoǵamnyń partiiaǵa senimin arttyrý maqsatynda aqparattyq-ideologiialyq strategiiany qabyldaýdyń mańyzdylyǵyna nazar aýdardy.
.jpeg)