Belarýste kórshi elderge qaraǵanda tártip bar. El prezidenti Aleksandr Lýkashenko Chechersk aýdany turǵyndarymen kezdesýde osylai dep málimdedi, - dep habarlaidy Tengrinews.kz.
Belarýs basshysy mereke kúnderi turǵyndardyń Belarýske kirýine kedergi keltirgen kórshi Eýroodaq elderi áreketine qatysty pikir bildirdi.
"Olarǵa katoliktik Pasha aldynda jáne Radýnitsadan birneshe kúnnen keiin shekarany ashtyq. Adamdar burynǵydai Polsha, Litva, Latviiadan týysqandarynyń qabirine barýǵa kelsin. Vizasyz ruqsat ettik. Al olar óz halqyn Belarýske jibermeidi. Nege? Óitkeni adamdar kelip, tuz satyp alady. Olarda tuz joq! Uly, bai Batys, biraq tuz joq! Jurt Belarýs qalypty jaǵdaida ómir súrip jatqanyn aitpas úshin shyǵarmaidy. Mine, demokratiia!" - dedi ol.
Turǵyndarmen kezdesýde Aleksandr Lýkashenko Belarýstegi diktatýranyń artyqshylyqtaryn baǵalady.
"Bizde diktatýra bolǵanyna Qudaiǵa shúkir. Bárińiz meni synadyńyz: diktatýra, diktatýra. Biraq osy diktatýra kezinde tártip bar. Diktatýra bolmasa, kedeilikte júrer edik", - dedi el prezidenti.
Byltyr tamyzda Aleksandr Lýkashenko diktatýraǵa qatysty aiyptaýlarǵa jaýap retinde eshqashan eshkimge eshteńe buiyrmaǵanyn jáne olai etpeitinin aityp, respýblikada mundai basqarý stiline resýrs joq ekenin aitqan bolatyn.
