بەلارۋستە كٶرشٸ ەلدەرگە قاراعاندا تەرتٸپ بار. ەل پرەزيدەنتٸ الەكساندر لۋكاشەنكو چەچەرسك اۋدانى تۇرعىندارىمەن كەزدەسۋدە وسىلاي دەپ مەلٸمدەدٸ, - دەپ حابارلايدى Tengrinews.kz.
بەلارۋس باسشىسى مەرەكە كٷندەرٸ تۇرعىنداردىڭ بەلارۋسكە كٸرۋٸنە كەدەرگٸ كەلتٸرگەن كٶرشٸ ەۋرووداق ەلدەرٸ ەرەكەتٸنە قاتىستى پٸكٸر بٸلدٸردٸ.
"ولارعا كاتوليكتٸك پاسحا الدىندا جەنە رادۋنيتسادان بٸرنەشە كٷننەن كەيٸن شەكارانى اشتىق. ادامدار بۇرىنعىداي پولشا, ليتۆا, لاتۆييادان تۋىسقاندارىنىڭ قابٸرٸنە بارۋعا كەلسٸن. ۆيزاسىز رۇقسات ەتتٸك. ال ولار ٶز حالقىن بەلارۋسكە جٸبەرمەيدٸ. نەگە? ٶيتكەنٸ ادامدار كەلٸپ, تۇز ساتىپ الادى. ولاردا تۇز جوق! ۇلى, باي باتىس, بٸراق تۇز جوق! جۇرت بەلارۋس قالىپتى جاعدايدا ٶمٸر سٷرٸپ جاتقانىن ايتپاس ٷشٸن شىعارمايدى. مٸنە, دەموكراتييا!" - دەدٸ ول.
تۇرعىندارمەن كەزدەسۋدە الەكساندر لۋكاشەنكو بەلارۋستەگٸ ديكتاتۋرانىڭ ارتىقشىلىقتارىن باعالادى.
"بٸزدە ديكتاتۋرا بولعانىنا قۇدايعا شٷكٸر. بەرٸڭٸز مەنٸ سىنادىڭىز: ديكتاتۋرا, ديكتاتۋرا. بٸراق وسى ديكتاتۋرا كەزٸندە تەرتٸپ بار. ديكتاتۋرا بولماسا, كەدەيلٸكتە جٷرەر ەدٸك", - دەدٸ ەل پرەزيدەنتٸ.
بىلتىر تامىزدا الەكساندر لۋكاشەنكو ديكتاتۋراعا قاتىستى ايىپتاۋلارعا جاۋاپ رەتٸندە ەشقاشان ەشكٸمگە ەشتەڭە بۇيىرماعانىن جەنە ولاي ەتپەيتٸنٸن ايتىپ, رەسپۋبليكادا مۇنداي باسقارۋ ستيلٸنە رەسۋرس جوق ەكەنٸن ايتقان بولاتىن.
