Izrail premer-ministri Biniamin Netaniahý HAMAS usynǵan atysty toqtatý sharttaryn qabyldamady. Ol Gaza sektorynda birneshe aida jeńiske jetetinine senimdi, dep habarlaidy "Ult aqparat" BBC-ge silteme jasai otyryp.
Izrail premer-ministri Biniamin Netaniahý HAMAS usynǵan sharttar boiynsha Gaza sektorynda atysty toqtatýdan bas tartty. Ol sondai-aq AQSh-tyń Gazada tez bitimge kelý áreketin joqqa shyǵaryp, shaiqastardyń jalǵasatynyn aitty.
Netaniahýdyń aitýynsha, Izraildiń qaýipsizdigin qamtamasyz etýdiń jalǵyz joly – HAMAS-ty tolyq jeńý. Premer-ministr jeńistiń kún jaqyn ekenin jáne birneshe aidyń ishinde qol jetkizýge bolatynyn basa aitty. Ol Izrail qorǵanys kúshteriniń Gaza sektorynyń ońtústiginde operatsiia bastaý týraly buiryq alǵanyn rastady.
"HAMAS-ty joiýdan basqa balama joq. Áitpese HAMAS-tyń azamattyq úkimeti áskeri jeńilissiz qulamaidy", – dedi ol.
