QR Mádeniet jáne sport ministri Arystanbek Muhamediuly Denis Tenniń qaitys bolýyna bailanysty kóńil aitty, dep habarlaidy Ult.kz tilshisi QazAqparat agenttigine silteme jasap.
«Daryndy mánerlep syrǵanaýshy, bizdiń sportymyzdyń ańyzy Denis Ten, dárigerlerdiń baryn salǵanyna qaramastan, qaitys boldy. Onyń jasy endi ǵana 25-ke tolǵan edi. Bul asa qorqynyshty ári ádiletsizdik. Ata-anasy qasiretke batty, Denisti tanityndardyń bári qaiǵyryp otyr. Barlyǵy da ony jaqsy kórýshi, qurmetteýshi edi.
Osydan bir ai buryn ǵana Astanada «Denis Ten jáne onyń dostary» atty muzdy shoýy ótti. Oǵan álemniń túrli elderinen mánerlep syrǵanaýshy juldyzdar jáne ataqty jattyqtyrýshy Tatiana Tarasova keldi. Denistiń muzdy shoý Astananyń 20 jyldyǵyna arnaldy.
Al búgin bizdiń «altyn bala» Denis baýkespe urylardyń qolynan qaza tapty. Olar Denistiń avtomobiliniń terezesin urlamaq bolyp, sanyna pyshaq suǵyp alǵan. Denis kóp qan joǵaltty. Shuǵyl ota jasaldy, dárigerler konsiliým ótkizdi. Denistiń ómirin ǵajaiyp kúsh saqtap qalar edi. Biz sońǵy sátterge deiin sol ǵajapqa sendik. Ókinishke qarai, bulai bolmai shyqty», - dep jazdy ministr óziniń Feisbýktegi paraqshasynda.
Sondai-aq ministr, Denistiń týǵan-týystaryna kóńil aitty.
«Árine, Denistiń ata-anasyna qoldan kelgenshe kómektesemiz, biraq olardyń ulyn qaitaryp bere almaimyz.
Olardyń qaiǵysyna ortaqtasyp, kóńil aitamyz. Ótinish, qaiǵyǵa berilmeńizder. Asa qaiǵyly jaǵdai. Orny tolmas ókinish. Imandy bolsyn», - dedi Arystanbek Muhamediuly.
