Nazarbaev Ýniversitetiniń ujymy Elbasy Nursultan Nazarbaevqa koronavirýs indetinen jyldam saýyǵyp ketýdi tiledi, dep habarlaidy QazAqparat.
Nazarbaev Ýniversitetiniń Prezidenti Shigeo Katsý Qazaqstannyń Tuńǵysh Prezidenti – Elbasy Nursultan Nazarbaevqa Nazarbaev Ýniversiteti jáne «Júsan» kompaniialar toby atynan hat joldaǵan. Óz sózinde Shigeo Katsý Elbasyna únemi qoldaý kórsetkeni úshin Nazarbaev Ýniversitetiniń stýdentteri, oqytýshylary, búkil qaýymdastyǵy atynan alǵysyn bildirdi jáne «Júsan» kompaniialar tobymen birlesip, shyn kóńilden zor densaýlyq, qajymas kúsh-qýat, uzaq ǵumyr tiledi.
«Ótken jyldyń jeltoqsan aiynda Qytaida bastalǵan, jergilikti densaýlyq saqtaý máselesi bolyp kóringen COVID-19 indeti birneshe apta men aidyń ishinde apatty aýqymdaǵy jahandyq indetke ainalyp, qoǵamdaǵy jáne elder arasyndaǵy ózara is-qimyl sipatyn dereý ózgertti. Óte juqpaly COVID-19 fizikalyq áleýmettik qatynastardy toqtatýǵa jáne olar osaldana bastaǵan kezde adamdardyń oqshaýlanýyna ákeldi. Pandemiia áleýmettik jaratylys retindegi adamdardyń tabiǵatyn buzady jáne adamzattyń negizine ziianyn tigizedi», – delingen hatta.
Shigeo Katsý óz hatyn: «Biz Sizben qashan da birgemiz!» dep aiaqtaǵan.
.jpeg)