«Sońǵy eki ǵasyrda adamdardyń ómir súrý uzaqtyǵy jyldam artty. Al 1840 jyldary adamdar ortasha eseppen 40 jasqa deiin ǵana ómir súrgen. 1900 jyldardyń basynda tamaqtaný, gigiena, turǵyn úi, sanitariia jaǵdailary jaqsarǵannan keiin bul kórsetkish 60 jasqa jetti», dep jazady VVS.
Avtordyń aitýynsha, ómir súrý jasynyń uzarýyna meditsinalyq kómek pen balalardy immýnizatsiialaýdyń áseri kóp bolǵan. Al 1970 jyldan keiin insýlt pen júrek aýrýyn emdeýdegi jetistikter jaqsy kórsetkishterge áser etti.
«XXI ǵasyrdyń basynda ómir súrý uzaqtyǵy áielderde 80, erlerde 75 jasqa jetti. Odan keiin ár tórt jyl saiyn ortasha jas bir jylǵa uzaryp otyrdy. Biraq 2011 jyldan bastap ómir súrý uzaqtyǵynda ózgeris bolmady», dep jazady avtor..
Onyń aitýynsha, munyń sebebin ǵalymdar naqty taba aita almaidy.
«Eń uzaq ómir súrgen resmi jazbalardaǵy adam 122 jasta ómirden ótken frantsýz áiel Janna Kalment boldy. Nature jýrnalynda jariialanǵan materialǵa sensek, budan keiingi orynda 115 jas tur. Amerikalyq genetik Devid Sinkler óz eńbekterinde adamdar budan da uzaq ómir súre alatynyn aitqan», dep jazady avtor.
