«سوڭعى ەكٸ عاسىردا ادامداردىڭ ٶمٸر سٷرۋ ۇزاقتىعى جىلدام ارتتى. ال 1840 جىلدارى ادامدار ورتاشا ەسەپپەن 40 جاسقا دەيٸن عانا ٶمٸر سٷرگەن. 1900 جىلداردىڭ باسىندا تاماقتانۋ, گيگيەنا, تۇرعىن ٷي, سانيتارييا جاعدايلارى جاقسارعاننان كەيٸن بۇل كٶرسەتكٸش 60 جاسقا جەتتٸ», دەپ جازادى ۆۆس.
اۆتوردىڭ ايتۋىنشا, ٶمٸر سٷرۋ جاسىنىڭ ۇزارۋىنا مەديتسينالىق كٶمەك پەن بالالاردى يممۋنيزاتسييالاۋدىڭ ەسەرٸ كٶپ بولعان. ال 1970 جىلدان كەيٸن ينسۋلت پەن جٷرەك اۋرۋىن ەمدەۋدەگٸ جەتٸستٸكتەر جاقسى كٶرسەتكٸشتەرگە ەسەر ەتتٸ.
«XXI عاسىردىڭ باسىندا ٶمٸر سٷرۋ ۇزاقتىعى ەيەلدەردە 80, ەرلەردە 75 جاسقا جەتتٸ. ودان كەيٸن ەر تٶرت جىل سايىن ورتاشا جاس بٸر جىلعا ۇزارىپ وتىردى. بٸراق 2011 جىلدان باستاپ ٶمٸر سٷرۋ ۇزاقتىعىندا ٶزگەرٸس بولمادى», دەپ جازادى اۆتور..
ونىڭ ايتۋىنشا, مۇنىڭ سەبەبٸن عالىمدار ناقتى تابا ايتا المايدى.
«ەڭ ۇزاق ٶمٸر سٷرگەن رەسمي جازبالارداعى ادام 122 جاستا ٶمٸردەن ٶتكەن فرانتسۋز ەيەل جاننا كالمەنت بولدى. Nature جۋرنالىندا جارييالانعان ماتەريالعا سەنسەك, بۇدان كەيٸنگٸ ورىندا 115 جاس تۇر. امەريكالىق گەنەتيك دەۆيد سينكلەر ٶز ەڭبەكتەرٸندە ادامدار بۇدان دا ۇزاق ٶمٸر سٷرە الاتىنىن ايتقان», دەپ جازادى اۆتور.
