Qazaqstan koronavirýs infektsiiasyn juqtyrýdyń sharyqtaý shegine jettik. Bul týraly QR Densaýlyq saqtaý vitse-ministri Lázzat Aqtaeva aityp berdi, dep habarlaidy "Ult aqparat".
«Biz koronavirýs infektsiiasyn juqtyrýdyń sharyqtaý shegine jettik. Iaǵni, qazir elimizde 100 myń adamǵa 7 naýqastan keledi. Osyǵan bailanysty, karantinnen bólek, eldi mekenderde jumysyn toqtatpaǵan, infektsiia juqtyrý qaýpi joǵary adamdarǵa aýqymdy tekserý bastaldy. Bul testileý 10 sáýirden 20 sáýirge deiin belsendi túrde júrgiziledi», - dedi vitse-ministr Ortalyq kommýnikatsiialar qyzmetinde ótken brifingte.
Onyń aitýynsha, aýrýdyń taralýyna bailanysty, meditsinalyq qyzmetkerler epidemiiaǵa qarsy kúsheitilgen rejimge aýysty.
«Árbir patsientti yqtimal naýqas dep qaraǵan jón, sondyqtan meditsinalyq qyzmetkerler qorǵanys buiymdaryn qoldanýy mindetti. Odan bólek, provizorlyq statsionarǵa da juqpaly aýrýlar aýrýhanasynyń talaptary qoiylady: mindetti túrde beinebaqylaý, jeldetý júiesi bolýy kerek, palatalardy toltyrý tsikly saqtalǵany jón. Árbir aýysym ekinshi aýysymnan oqshaýlanýy qajet. Eń bastysy - meditsinalyq uiym basshylary qyzmetkerlerdi qorǵanys quraldarymen qamtamasyz etýge mindetti», - dedi L. Aqtaeva.
