قازاقستان كوروناۆيرۋس ينفەكتسيياسىن جۇقتىرۋدىڭ شارىقتاۋ شەگٸنە جەتتٸك. بۇل تۋرالى قر دەنساۋلىق ساقتاۋ ۆيتسە-مينيسترٸ لەززات اقتاەۆا ايتىپ بەردٸ, دەپ حابارلايدى "ۇلت اقپارات".
«بٸز كوروناۆيرۋس ينفەكتسيياسىن جۇقتىرۋدىڭ شارىقتاۋ شەگٸنە جەتتٸك. ياعني, قازٸر ەلٸمٸزدە 100 مىڭ ادامعا 7 ناۋقاستان كەلەدٸ. وسىعان بايلانىستى, كارانتيننەن بٶلەك, ەلدٸ مەكەندەردە جۇمىسىن توقتاتپاعان, ينفەكتسييا جۇقتىرۋ قاۋپٸ جوعارى ادامدارعا اۋقىمدى تەكسەرۋ باستالدى. بۇل تەستٸلەۋ 10 سەۋٸردەن 20 سەۋٸرگە دەيٸن بەلسەندٸ تٷردە جٷرگٸزٸلەدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, اۋرۋدىڭ تارالۋىنا بايلانىستى, مەديتسينالىق قىزمەتكەرلەر ەپيدەميياعا قارسى كٷشەيتٸلگەن رەجيمگە اۋىستى.
«ەربٸر پاتسيەنتتٸ ىقتيمال ناۋقاس دەپ قاراعان جٶن, سوندىقتان مەديتسينالىق قىزمەتكەرلەر قورعانىس بۇيىمدارىن قولدانۋى مٸندەتتٸ. ودان بٶلەك, پروۆيزورلىق ستاتسيونارعا دا جۇقپالى اۋرۋلار اۋرۋحاناسىنىڭ تالاپتارى قويىلادى: مٸندەتتٸ تٷردە بەينەباقىلاۋ, جەلدەتۋ جٷيەسٸ بولۋى كەرەك, پالاتالاردى تولتىرۋ تسيكلى ساقتالعانى جٶن. ەربٸر اۋىسىم ەكٸنشٸ اۋىسىمنان وقشاۋلانۋى قاجەت. ەڭ باستىسى - مەديتسينالىق ۇيىم باسشىلارى قىزمەتكەرلەردٸ قورعانىس قۇرالدارىمەن قامتاماسىز ەتۋگە مٸندەتتٸ», - دەدٸ ل. اقتاەۆا.
