QR Parlamenti Senatynyń Tóraǵasy Máýlen Áshimbaev TMD elderi Parlamentaralyq Assambleiasy Keńesiniń otyrysynda biyl Qazaqstannyń osy uiymǵa tóraǵalyq etip otyrǵanyn atap ótti, dep habarlaidy QazAqparat.
Senat Tóraǵasynyń aitýynsha, Qazaqstan tóraǵalyq kezeńinde pandemiiadan keiin qaita qalypqa kelý, tsifrlyq tehnologiiany engizý, azyq-túlik qaýipsizdigi, mádeni-gýmanitarlyq jáne bilim berý salasyndaǵy yntymaqtastyqty arttyrý máselelerine basymdyq berildi. Sondai-aq spiker qorshaǵan ortany qorǵaý, «jasyl» tehnologiiany engizý, tabiǵatty tiimdi paidalaný máseleleri de basym baǵyttardyń biri ekenin atap ótti.
Óz sózinde Senat tóraǵasy TMD PAA-nyń mereitoilyq otyrysy álemde buryn-sońdy bolmaǵan geosaiasi jaǵdaidyń shielenisken tusynda ótip jatqanyn aitty.
«Bizdiń elimiz qaýipsizdiktiń bólinbeitindigi jáne halyqaralyq quqyq pen BUU Jarǵysynyń qaǵidattary negizinde halyqaralyq problemalardy beibit jolmen sheshýden basqa balama joq ekendigi týraly ustanymdy quptaidy. Osyǵan orai biz kelissózder protsesin ilgeriletýge arnalǵan kez kelgen áreketti qoldaimyz», – dedi Máýlen Áshimbaev.
