9 maýsymda ótetin sailaýǵa TMD 8 elinen 432 baqylaýshy kelgen. Al Ýkraina men Moldova TMD baiqaýshylar missiiasynyń quramyna kirmegen. Sondyqtan jeke jumys isteidi. Bul týraly TMD baiqaýshylar missiiasyn basqaratyn Sergei Lebedev aitty, dep habarlaidy Baq.kz agenttigi.
«TMD elderi baiqaýshylarynyń missiiasy jumysqa 20 mamyrdan bastap kiristi. Sodan beri 20 adam jumys istedi, shtab quryldy. Osy ýaqyt aralyǵynda uzaqmerzimdi baiqaýshylar birneshe oblysta bolyp shyqty. Qazaqstan Respýblikasynyń barlyq oblysynda baiqaý boiynsha beketter uiymdastyryldy. Odan bólek, uzaqmerzimdi baiqaýshylardyń qatysýymen jalpy missiianyń quramyn jasaqtady. Jalpy, TMD 8 elinen 432 quramynan baiqaýshy sailaýda jumys isteitin bolady», - dedi Sergei Lebedev.
TMD quramyndaǵy Ýkraina men Moldovadan da baiqaýshylar da bar. Biraq olar jeke jumys isteidi.
«TMD missiiasynyń quramyna ómirlik tájiribesi mol adamdar kirip otyr. Olardyń qatarynda depýtattar, Ortalyq sailaý komissiialarynyń tóraǵalary men músheleri bar. Bul azamattar sailaý protsesin jetik biledi. Jeke óz basym múmkindiginshe, ýchaskelerdiń kóbisin baqylaityn bolamyn. Jospar boiynsha 10-ǵa jýyq daýys berý pýnktinde bolamyn dep otyrmyn. Barlyq oblysta bizdiń ókilderimiz bar. daýys berý aiaqtalǵansha, 21:00-ge dein bolamyz. Sosyn biz daýys sanaýǵa da qatysamyz. Al sailaýdyń qalai ótkenin 9 maýsym kúngi túngi 23:30 kezinde baspasóz májilisin ótkizip, habarlaityn bolamyz», - dedi ol.
TMD baiqaýshylar missiiasynyń basshysy Qazaqstanǵa sailaý protsesindegi qandai da bir kemshilikterdi anyqtaý úshin emes, kómek qolyn sozýǵa kelgenin aitty.
«Qazaqstandaǵy sailaý naýqany uiymdasqan túrde tynysh ótip jatyr. Oǵan basa nazar aýdarýǵa bolady. Ortalyq sailaý komissiiasyndaǵy kezdesý barysynda, aýmaqtyq sailaý komissiialarynyń múshelerimen sóileskenimizde negizgi maqsatymyz sailaýshylardyń óz erkin bildirý quqyǵyn qamtamasyz etý degenge toqtadyq. Daýys berý tártibi, sailaý ýchaskesinde tirkeý týraly aqparattar barlyq sailaý ýchaskesinde bar. Biz ádettegidei eldiń ishki saiasatyna aralaspai, táýelsiz turǵyda baqylaý jasaimyz», - dedi Lebedev.
