9 ماۋسىمدا ٶتەتٸن سايلاۋعا تمد 8 ەلٸنەن 432 باقىلاۋشى كەلگەن. ال ۋكراينا مەن مولدوۆا تمد بايقاۋشىلار ميسسيياسىنىڭ قۇرامىنا كٸرمەگەن. سوندىقتان جەكە جۇمىس ٸستەيدٸ. بۇل تۋرالى تمد بايقاۋشىلار ميسسيياسىن باسقاراتىن سەرگەي لەبەدەۆ ايتتى, دەپ حابارلايدى Baq.kz اگەنتتٸگٸ.
«تمد ەلدەرٸ بايقاۋشىلارىنىڭ ميسسيياسى جۇمىسقا 20 مامىردان باستاپ كٸرٸستٸ. سودان بەرٸ 20 ادام جۇمىس ٸستەدٸ, شتاب قۇرىلدى. وسى ۋاقىت ارالىعىندا ۇزاقمەرزٸمدٸ بايقاۋشىلار بٸرنەشە وبلىستا بولىپ شىقتى. قازاقستان رەسپۋبليكاسىنىڭ بارلىق وبلىسىندا بايقاۋ بويىنشا بەكەتتەر ۇيىمداستىرىلدى. ودان بٶلەك, ۇزاقمەرزٸمدٸ بايقاۋشىلاردىڭ قاتىسۋىمەن جالپى ميسسييانىڭ قۇرامىن جاساقتادى. جالپى, تمد 8 ەلٸنەن 432 قۇرامىنان بايقاۋشى سايلاۋدا جۇمىس ٸستەيتٸن بولادى», - دەدٸ سەرگەي لەبەدەۆ.
تمد قۇرامىنداعى ۋكراينا مەن مولدوۆادان دا بايقاۋشىلار دا بار. بٸراق ولار جەكە جۇمىس ٸستەيدٸ.
«تمد ميسسيياسىنىڭ قۇرامىنا ٶمٸرلٸك تەجٸريبەسٸ مول ادامدار كٸرٸپ وتىر. ولاردىڭ قاتارىندا دەپۋتاتتار, ورتالىق سايلاۋ كوميسسييالارىنىڭ تٶراعالارى مەن مٷشەلەرٸ بار. بۇل ازاماتتار سايلاۋ پروتسەسٸن جەتٸك بٸلەدٸ. جەكە ٶز باسىم مٷمكٸندٸگٸنشە, ۋچاسكەلەردٸڭ كٶبٸسٸن باقىلايتىن بولامىن. جوسپار بويىنشا 10-عا جۋىق داۋىس بەرۋ پۋنكتٸندە بولامىن دەپ وتىرمىن. بارلىق وبلىستا بٸزدٸڭ ٶكٸلدەرٸمٸز بار. داۋىس بەرۋ اياقتالعانشا, 21:00-گە دەين بولامىز. سوسىن بٸز داۋىس ساناۋعا دا قاتىسامىز. ال سايلاۋدىڭ قالاي ٶتكەنٸن 9 ماۋسىم كٷنگٸ تٷنگٸ 23:30 كەزٸندە باسپاسٶز مەجٸلٸسٸن ٶتكٸزٸپ, حابارلايتىن بولامىز», - دەدٸ ول.
تمد بايقاۋشىلار ميسسيياسىنىڭ باسشىسى قازاقستانعا سايلاۋ پروتسەسٸندەگٸ قانداي دا بٸر كەمشٸلٸكتەردٸ انىقتاۋ ٷشٸن ەمەس, كٶمەك قولىن سوزۋعا كەلگەنٸن ايتتى.
«قازاقستانداعى سايلاۋ ناۋقانى ۇيىمداسقان تٷردە تىنىش ٶتٸپ جاتىر. وعان باسا نازار اۋدارۋعا بولادى. ورتالىق سايلاۋ كوميسسيياسىنداعى كەزدەسۋ بارىسىندا, اۋماقتىق سايلاۋ كوميسسييالارىنىڭ مٷشەلەرٸمەن سٶيلەسكەنٸمٸزدە نەگٸزگٸ ماقساتىمىز سايلاۋشىلاردىڭ ٶز ەركٸن بٸلدٸرۋ قۇقىعىن قامتاماسىز ەتۋ دەگەنگە توقتادىق. داۋىس بەرۋ تەرتٸبٸ, سايلاۋ ۋچاسكەسٸندە تٸركەۋ تۋرالى اقپاراتتار بارلىق سايلاۋ ۋچاسكەسٸندە بار. بٸز ەدەتتەگٸدەي ەلدٸڭ ٸشكٸ ساياساتىنا ارالاسپاي, تەۋەلسٸز تۇرعىدا باقىلاۋ جاسايمىز», - دەدٸ لەبەدەۆ.
