«Aq jol» partiiasynyń úgit-nasihat toby jas sailaýshylarmen jáne «Aq jol» partiiasynyń qurdastarymen kezdesý ótkizdi.
Is-shara jańa tehnologiialardy ázirleýmen, Qazaqstan, Qyrǵyzstan, Ózbekstan, Resei boiynsha taýarlardy jetkizýmen ainalysatyn «KBT Store» kompaniiasynda ótti.
18-35 jas aralyǵyndaǵy 1200 adam jumys isteidi. Kásiporyndy «100 jańa esim» baiqaýynyń jeńimpazy, Májilis depýtattyǵyna kandidat, «aqjoldyq» Azat Sembinov basqarady.
Óz sózinde Azat Perýashev «Aq jol» partiiasynyń qurdastaryn ómirlerindegi alǵashqy sailaýmen, birinshi daýys berýlerimen quttyqtady.
- «Aq jol» partiiasyna 18 jyl toldy, ótken ýaqyt ishinde úsh ret parlamentke ótti. Kópshiligińiz birinshi ret daýys bermeksizder. Bul sizderdiń saiasi ósýlerińiz jáne osy sátte durys tańdaý jasaý óte mańyzdy, – dedi ol óziniń quttyqtaýynda.
«Aq jol» kóshbasshysy partiianyń sailaýaldy baǵdarlamasy týraly aityp, biznesti qoldaý jáne áleýmettik ádilettilik týraly bólimderge erekshe toqtaldy.
- «Aq jol» partiiasy Qazaqstandy múmkindikter memleketine ainaldyrýǵa umtylýda. Qazaqstanda ómir súrý jáne jumys isteý, otanymyzda júrip damý perspektivalary jastar úshin kez kelgen basqa elderge qaraǵanda áldeqaida tartymdy bolýy tiis. Sizderdiń aralaryńyzda – bolashaq ministrler, kompaniia basshylary, biznesmender bar. Siz óz oiyńyzdy kedergisiz júzege asyra alatyn, ketkińiz kelmeitin elde ómir súrýińiz kerek. Biz daryndy jastardyń elden ketýine qarsymyz. Jyl saiyn Qazaqstannan myńdaǵan daryndy jas jigitter men qyzdar ketip, qaityp oralmaidy – bul bizdiń ulttyq qasiretimiz, – dep atap ótti Perýashev.
Ol óz sózinde partiianyń jastardy qoldaý jónindegi bastamalaryna erekshe nazar aýdardy. Atap aitqanda: «Aq joldyń» otbasylardyń ipotekalaryn sýbsidiialaý týraly, aýyldaǵy qoljetimdi sport keshenderiniń qajettiligi týraly, balalar men jastarǵa arnalǵan tegin sport sektsiialary, jumysshy jastarǵa arnalǵan qoljetimdi turǵyn úi salý týraly usynystar.
- Búginde úkimettik baǵdarlamalar kópbalaly otbasylarǵa baǵyttalǵan. Biraq eshqandai otbasy birden úlkeiip ketpeidi. Jastardy árbir kezekti balanyń dúniege kelýine kezeń-kezeńimen yntalandyrý kerek. «Aq jol» partiiasy 2012 jyldan bastap mynadai usynys jasap keledi: Birinshi bala týǵan kezde jáne odan ári árbir kelesi bala týǵanda 25%-ǵa sýbsidiialap, 4-shi bala týǵan kezde otbasynyń ipotekasyn 0%-ǵa deiin tómendete otyryp, kóp balaly otbasy sanatyna aýystyrylady.
Qalalarǵa kóshetin aýyl jastaryn qoldaý úshin ákimdikter shaǵyn óndiristerge, bilim berý mekemelerine jáne áleýmettik infraqurylymǵa arnalǵan úi-jailary bar yqsham áleýmettik turǵyn úilerdi jappai salýy tiis. Mundai turǵyn úi qarapaiym jáne arzan bolýy kerek, sondyqtan jastar qalada beiimdelip, bilim alyp, jumys istei bastaidy – aiaqqa turyp, ózderine yńǵaily jaǵdai jasaidy.
Qazaqstannyń bolashaǵy - Sizder, biz birge Otanymyzdy kórkeitýimiz kerek!,- dep Perýashev jas sailaýshylardy durys tańdaý jasaýǵa shaqyrdy.
«Aq jol» partiiasynyń sailaýaldy úgit-nasihat jumystary jalǵasýda.
Eskertý. Materialdyń aqysy «Aq jol» partiiasynyń sailaý qorynan tólendi.
