Memleket basshysynyń Joldaýynda kóterilgen máselelerge qatysty Parlamentke 5 zań jobasy engizildi. Bul týraly búgin QR Ádilet ministri Qanat Mýsin elordada halyqpen kezdesý kezinde aitty, dep habarlaidy QazAqparat.
Atap aitqanda, Ádilet ministrligi Konstitýtsiiaǵa qabyldanǵan túzetýlerdi, sondai-aq Memleket basshysynyń 2022 jylǵy 16 naýryzdaǵy «Jańa Qazaqstan: jańartý jáne jańǵyrtý joly» atty Qazaqstan halqyna Joldaýyn júzege asyrý maqsatynda Parlament Májilisine 5 zań jobasyn engizdi.
Osy oraida Parlamentte «Qazaqstan Respýblikasynyń Konstitýtsiialyq Soty týraly» Konstitýtsiialyq zań jobasy, «Qazaqstan Respýblikasyndaǵy Adam quqyqtary jónindegi ýákil týraly» Konstitýtsiialyq zań jobasy, «Qazaqstan Respýblikasynyń keibir konstitýtsiialyq zańdaryna Memleket basshysynyń 2022 jylǵy 16 naýryzdaǵy joldaýyn iske asyrý máseleleri boiynsha ózgerister men tolyqtyrýlar engizý týraly» Konstitýtsiialyq zań jobasy qaralatyn bolady.
Sonymen qatar biyl kúzde Májiliste «Qazaqstan Respýblikasynyń keibir zańnamalyq aktilerine Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boiynsha ózgerister men tolyqtyrýlar engizý týraly» zań jobasy, «Qazaqstan Respýblikasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy talqylanady.
Vedomstvo málimetinshe, zań jobalary ashyq NQA internet-portalynda jariia talqylaýdan ótip, jurtshylyqtyń jáne sarapshylardyń usynystary men eskertýlerine sáikes pysyqtaldy.
Ministrdiń halyqpen kezdesýinde Prezidenttiń memlekettik apparattyń qyzmetin biýrokratiiadan aryltý jónindegi sharalar týraly Jarlyǵyn júzege asyrý maqsatynda biraz tásilder ázirlengeni aityldy. Onyń ishinde Úkimetke daǵdarys jaǵdailarynda zań kúshi bar ýaqytsha aktilerdi qabyldaý quzyretin berý, sondai-aq merzimder men kezeńderdi eki ese qysqarta otyryp, norma túzýshilik protsesin ońtailandyrý qarastyryldy.
