Biylǵy Ulttyq biryńǵai testileý 15 sáýirde bastalyp, 30 maýsymǵa deiin jalǵasatyn boldy. Alǵash ret elektrondyq formatta ótetin testileýge tirkeý onlain rejimde júrgizilip, eshqandai qujat pen fotosýretter talap etilmeidi, - dep habarlaidy «Ult aqparat».
2021 jylǵy UBT-nyń negizgi ereksheligi úmitkerler kompiýter arqyly tapsyratyndyǵynda. Iaǵni burynǵydai talapkerlerge UBT kitapshasynyń qaǵaz nusqasy men jaýap paraǵy berilmeidi.
Belgili bolǵanyndai, memlekettik grantqa úmitti talapkerler Ulttyq biryńǵai testti eki ret tapsyra alady. Al qalai tapsyrylady, bul týraly Bilim ministrligi bylai dep túsindirdi.
«UBT-ny ádettegidei 3 mindetti jáne 2 beiindi pán boiynsha tapsyrady. Qatysýshylarǵa 120 test tapsyrmasy beriledi, onyń ishinde Qazaqstan tarihy boiynsha – 15, matematikalyq saýattylyq boiynsha – 15, oqý saýattylyǵy boiynsha – 20 jáne eki beiindik pán boiynsha 35 tapsyrmadan.
Testileýge 4 saǵat (240 minýt) beriledi. UBT nátijesi boiynsha talapkerler eń joǵary 140 ball jinai alady», - delingen ministrlik taratqan aqparatta.
Sonymen qatar, testileýdiń artyqshylyǵy UBT-dan keiin nátijeni birden bilýge jáne UBT qatysýshysy qandai suraqtarǵa qate jaýap bergenin birden kóre alady.
Osylaisha elektrondyq formatta uiymdastyrylatyn UBT «bir testilenýshi – bir kompiýter – bir kamera» qaǵidaty boiynsha ótedi.
«Bul format erekshe bolǵaly tur. Sebebi pandemiianyń áserinen byltyr men biyl túlekter úshin aýyr jyl bolyp jatqany ras. Dál biz bitiretin kezde jańa formatqa aýysýynyń ózi ońai emes. Biyl aýditoriiadan bólek, ár test tapsyrýshynyń ústeliniń ústinde taǵy bir kamera qoiylady deidi. Iaǵni jyldaǵydan da qatań bolady degen sóz. Túlekterge sáttilik tileimin», - dedi biylǵy túlek Sherhan Álihanuly.
Sonymen qatar, biylǵy UBT kezinde ashyqtyq pen obektivtilikti qamtamasyz etý úshin UBT-ny ótkizý rásimine Qazaqstan Respýblikasy Sybailas jemqorlyqqa qarsy is-qimyl agenttiginiń Arnaiy monitoringtik toby men «Adaldyq alańy» jobalyq keńsesiniń ókilderi shaqyrylatyn bolady.
Pandemiia elimizdi ǵana emes, búkil álemdi áýre-sarsańǵa salǵany ras. Kez kelgen jaǵdaida karantin talaptarynyń saqtalýy qatań qadaǵalanady. Iaǵni UBT bastalar aldynda sanitarlyq-epidemiologiialyq normalarǵa sáikes dezinfektsiiadan ótedi. Testileýge kirgizý kezinde qatysýshylardyń aiaq kiimderi men qoldary arnaiy quraldarymen óńdeledi. Bet maskasynyń durys taǵylýyn qadaǵalaý men temperatýrany ólsheý arnaiy Face ID planshetiniń kómegimen júzege asyrylady.
Biyl pedagogikalyq mamandyqtarǵa da asa kóńil bólinip jatyr, sonymen qatar bul mamandyqtardyń shekti baly 75 ballǵa deiin ulǵaitylǵan. Esterińizde bolsa, buǵan deiin pedagogikalyq bilim berý baǵdarlamalaryna túsý úshin shekti ball 50 ball bolǵan. Osy mamandyqqa myqty túlekterdi qabyldaý maqsatynda 2021 jyly UBT-nyń shekti baly 75 balǵa deiin kóterildi.
«Iá, pedagogikalyq mamandyqtarǵa kóńil bólinip jatqany qýantady. Osy mamandyqta oqityn stýdentterdiń stipendiiasy men muǵalimderdiń jalaqysy da kóterildi. Sonymen birge biyl Memleket basshysy Qasym-Jomart Toqaev muǵalimderdiń mártebesin aiqyndap berdi. Bul biz úshin úlken qýanysh. Endi jolymyzdy qýyp, ustaz bolamyz degen shákirtterimizdiń sany artqanyna qýanamyz. Barlyq adam ustaz aldynan ótedi ǵoi, jaqsy jańalyqtardyń óz ornymen oryndalýyn kútemiz», - dedi Almaty oblysy ál-Farabi atyndaǵy mekteptiń muǵalimi Raýan Shyntaeva.
Esterińizge sala keteiik, biylǵy Ulttyq biryńǵai testileý 15 sáýirde bastalyp, 30 maýsymǵa deiin jalǵasatyn boldy. Alǵash ret elektrondyq formatta ótetin testileýge tirkeý onlain rejimde júrgizilip, eshqandai qujat pen fotosýretter talap etilmeidi. 2021 jylǵy UBT-nyń negizgi ereksheligi úmitkerler kompiýter arqyly tapsyratyndyǵynda. Iaǵni burynǵydai talapkerlerge UBT kitapshasynyń qaǵaz nusqasy men jaýap paraǵy berilmeidi. Belgili bolǵanyndai, memlekettik grantqa úmitti talapkerler Ulttyq biryńǵai testti eki ret tapsyra alady.
