بيىلعى ۇلتتىق بٸرىڭعاي تەستٸلەۋ 15 سەۋٸردە باستالىپ, 30 ماۋسىمعا دەيٸن جالعاساتىن بولدى. العاش رەت ەلەكتروندىق فورماتتا ٶتەتٸن تەستٸلەۋگە تٸركەۋ ونلاين رەجيمدە جٷرگٸزٸلٸپ, ەشقانداي قۇجات پەن فوتوسۋرەتتەر تالاپ ەتٸلمەيدٸ, - دەپ حابارلايدى «ۇلت اقپارات».
2021 جىلعى ۇبت-نىڭ نەگٸزگٸ ەرەكشەلٸگٸ ٷمٸتكەرلەر كومپيۋتەر ارقىلى تاپسىراتىندىعىندا. ياعني بۇرىنعىداي تالاپكەرلەرگە ۇبت كٸتاپشاسىنىڭ قاعاز نۇسقاسى مەن جاۋاپ پاراعى بەرٸلمەيدٸ.
بەلگٸلٸ بولعانىنداي, مەملەكەتتٸك گرانتقا ٷمٸتتٸ تالاپكەرلەر ۇلتتىق بٸرىڭعاي تەستتٸ ەكٸ رەت تاپسىرا الادى. ال قالاي تاپسىرىلادى, بۇل تۋرالى بٸلٸم مينيسترلٸگٸ بىلاي دەپ تٷسٸندٸردٸ.
«ۇبت-نى ەدەتتەگٸدەي 3 مٸندەتتٸ جەنە 2 بەيٸندٸ پەن بويىنشا تاپسىرادى. قاتىسۋشىلارعا 120 تەست تاپسىرماسى بەرٸلەدٸ, ونىڭ ٸشٸندە قازاقستان تاريحى بويىنشا – 15, ماتەماتيكالىق ساۋاتتىلىق بويىنشا – 15, وقۋ ساۋاتتىلىعى بويىنشا – 20 جەنە ەكٸ بەيٸندٸك پەن بويىنشا 35 تاپسىرمادان.
تەستٸلەۋگە 4 ساعات (240 مينۋت) بەرٸلەدٸ. ۇبت نەتيجەسٸ بويىنشا تالاپكەرلەر ەڭ جوعارى 140 بالل جيناي الادى», - دەلٸنگەن مينيسترلٸك تاراتقان اقپاراتتا.
سونىمەن قاتار, تەستٸلەۋدٸڭ ارتىقشىلىعى ۇبت-دان كەيٸن نەتيجەنٸ بٸردەن بٸلۋگە جەنە ۇبت قاتىسۋشىسى قانداي سۇراقتارعا قاتە جاۋاپ بەرگەنٸن بٸردەن كٶرە الادى.
وسىلايشا ەلەكتروندىق فورماتتا ۇيىمداستىرىلاتىن ۇبت «بٸر تەستٸلەنۋشٸ – بٸر كومپيۋتەر – بٸر كامەرا» قاعيداتى بويىنشا ٶتەدٸ.
«بۇل فورمات ەرەكشە بولعالى تۇر. سەبەبٸ پاندەمييانىڭ ەسەرٸنەن بىلتىر مەن بيىل تٷلەكتەر ٷشٸن اۋىر جىل بولىپ جاتقانى راس. دەل بٸز بٸتٸرەتٸن كەزدە جاڭا فورماتقا اۋىسۋىنىڭ ٶزٸ وڭاي ەمەس. بيىل اۋديتورييادان بٶلەك, ەر تەست تاپسىرۋشىنىڭ ٷستەلٸنٸڭ ٷستٸندە تاعى بٸر كامەرا قويىلادى دەيدٸ. ياعني جىلداعىدان دا قاتاڭ بولادى دەگەن سٶز. تٷلەكتەرگە سەتتٸلٸك تٸلەيمٸن», - دەدٸ بيىلعى تٷلەك شەرحان ەليحانۇلى.
سونىمەن قاتار, بيىلعى ۇبت كەزٸندە اشىقتىق پەن وبەكتيۆتٸلٸكتٸ قامتاماسىز ەتۋ ٷشٸن ۇبت-نى ٶتكٸزۋ رەسٸمٸنە قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ ارنايى مونيتورينگتٸك توبى مەن «ادالدىق الاڭى» جوبالىق كەڭسەسٸنٸڭ ٶكٸلدەرٸ شاقىرىلاتىن بولادى.
پاندەمييا ەلٸمٸزدٸ عانا ەمەس, بٷكٸل ەلەمدٸ ەۋرە-سارساڭعا سالعانى راس. كەز كەلگەن جاعدايدا كارانتين تالاپتارىنىڭ ساقتالۋى قاتاڭ قاداعالانادى. ياعني ۇبت باستالار الدىندا سانيتارلىق-ەپيدەميولوگييالىق نورمالارعا سەيكەس دەزينفەكتسييادان ٶتەدٸ. تەستٸلەۋگە كٸرگٸزۋ كەزٸندە قاتىسۋشىلاردىڭ اياق كيٸمدەرٸ مەن قولدارى ارنايى قۇرالدارىمەن ٶڭدەلەدٸ. بەت ماسكاسىنىڭ دۇرىس تاعىلۋىن قاداعالاۋ مەن تەمپەراتۋرانى ٶلشەۋ ارنايى Face ID پلانشەتٸنٸڭ كٶمەگٸمەن جٷزەگە اسىرىلادى.
بيىل پەداگوگيكالىق ماماندىقتارعا دا اسا كٶڭٸل بٶلٸنٸپ جاتىر, سونىمەن قاتار بۇل ماماندىقتاردىڭ شەكتٸ بالى 75 باللعا دەيٸن ۇلعايتىلعان. ەستەرٸڭٸزدە بولسا, بۇعان دەيٸن پەداگوگيكالىق بٸلٸم بەرۋ باعدارلامالارىنا تٷسۋ ٷشٸن شەكتٸ بالل 50 بالل بولعان. وسى ماماندىققا مىقتى تٷلەكتەردٸ قابىلداۋ ماقساتىندا 2021 جىلى ۇبت-نىڭ شەكتٸ بالى 75 بالعا دەيٸن كٶتەرٸلدٸ.
«يە, پەداگوگيكالىق ماماندىقتارعا كٶڭٸل بٶلٸنٸپ جاتقانى قۋانتادى. وسى ماماندىقتا وقيتىن ستۋدەنتتەردٸڭ ستيپەنديياسى مەن مۇعالٸمدەردٸڭ جالاقىسى دا كٶتەرٸلدٸ. سونىمەن بٸرگە بيىل مەملەكەت باسشىسى قاسىم-جومارت توقاەۆ مۇعالٸمدەردٸڭ مەرتەبەسٸن ايقىنداپ بەردٸ. بۇل بٸز ٷشٸن ٷلكەن قۋانىش. ەندٸ جولىمىزدى قۋىپ, ۇستاز بولامىز دەگەن شەكٸرتتەرٸمٸزدٸڭ سانى ارتقانىنا قۋانامىز. بارلىق ادام ۇستاز الدىنان ٶتەدٸ عوي, جاقسى جاڭالىقتاردىڭ ٶز ورنىمەن ورىندالۋىن كٷتەمٸز», - دەدٸ الماتى وبلىسى ەل-فارابي اتىنداعى مەكتەپتٸڭ مۇعالٸمٸ راۋان شىنتاەۆا.
ەستەرٸڭٸزگە سالا كەتەيٸك, بيىلعى ۇلتتىق بٸرىڭعاي تەستٸلەۋ 15 سەۋٸردە باستالىپ, 30 ماۋسىمعا دەيٸن جالعاساتىن بولدى. العاش رەت ەلەكتروندىق فورماتتا ٶتەتٸن تەستٸلەۋگە تٸركەۋ ونلاين رەجيمدە جٷرگٸزٸلٸپ, ەشقانداي قۇجات پەن فوتوسۋرەتتەر تالاپ ەتٸلمەيدٸ. 2021 جىلعى ۇبت-نىڭ نەگٸزگٸ ەرەكشەلٸگٸ ٷمٸتكەرلەر كومپيۋتەر ارقىلى تاپسىراتىندىعىندا. ياعني بۇرىنعىداي تالاپكەرلەرگە ۇبت كٸتاپشاسىنىڭ قاعاز نۇسقاسى مەن جاۋاپ پاراعى بەرٸلمەيدٸ. بەلگٸلٸ بولعانىنداي, مەملەكەتتٸك گرانتقا ٷمٸتتٸ تالاپكەرلەر ۇلتتىق بٸرىڭعاي تەستتٸ ەكٸ رەت تاپسىرا الادى.
