2020 jyldyń 9 aiynyń ishinde 8 966 jol-kólik apaty oryn alyp, 1 265 adam qaza tapty. Bul týraly QR IIM Ákimshilik politsiia komiteti tóraǵasynyń orynbasary Serik Túsipov aitty, dep habarlaidy QazAqparat.
«2020 jyldyń 9 aiynda 8 933 jol-kólik apaty oryn alyp, saldarynan 1 265 adam qaza tapsa, 11 780 adam jaraqat aldy. Ótken jyldyń dál osyndai kezeńimen salystyrǵanda jol-kólik apaty -22, qaza bolǵandar - 16, jaraqattanǵandar - 23 paiyzǵa tómendegeni baiqalady. Jol-kólik apatynyń negizgi sebebi - áli de bolsa jol júrý erjesin buzý bolyp tur. Jol apattarynyń úshten biri jyldamdyq rejimin asyrýdan oryn alǵan. Mundai 2 833 oqiǵa bolyp, 527 adam qaitys boldy, 3 918 adam jaralandy. Kólik apaty kezinde 344 jaiaý júrginshi mert bolyp, 2 897-si jaraqat aldy. Sonymen qatar jaiaý júrginshilerdiń kesirinen 356 jol apaty boldy. Odan 75 adam qaza taýyp, 298-i jaralandy. Eldi mekenderde 6 740 jol-kólik apaty oryn alǵan», - dedi ol Ortalyq kommýnikatsiialar qyzmetindegi baspasóz máslihatynda.
Serik Túsipovtyń atap ótýinshe, IIM jol qaýipsizdigin qamtamasyz etýge baǵyttalǵan sharalar keshenin turaqty túrde júzege asyryp keledi. Joldardaǵy baqylaý kúsheitilgen.
Eldimekenderde patýrldik politsiia kezekshilikke shyǵatyn 2 myńnan astam baǵdar men qala mańyndaǵy 211 avtomobil joly aiqyndalǵan.
«Múddeli memlekettik organdarmen birge jedel aldyn alý sharalary turaqty ótkiziledi. Jyl basynan beri politsiia qyzmetkerleri 3 millionnnan astam jol júrisi erejesin buzýshylyqty anyqtady. 119 myń jaiaý júrginshi ákimshilik jaýapkershilikke tartylyp, kóligin mas kúide júrgizgen 13 myń júrgizýshi ustaldy. Sot 15 myńnan astam júrgizýshini kólik júrgizý quqyǵynan aiyrdy. Jol júrisi erejesin buzǵan 12,5 myń adam ákimshilik tutqynǵa alyndy», - dedi Serik Túsipov.
