2020 جىلدىڭ 9 ايىنىڭ ٸشٸندە 8 966 جول-كٶلٸك اپاتى ورىن الىپ, 1 265 ادام قازا تاپتى. بۇل تۋرالى قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ ايتتى, دەپ حابارلايدى قازاقپارات.
«2020 جىلدىڭ 9 ايىندا 8 933 جول-كٶلٸك اپاتى ورىن الىپ, سالدارىنان 1 265 ادام قازا تاپسا, 11 780 ادام جاراقات الدى. ٶتكەن جىلدىڭ دەل وسىنداي كەزەڭٸمەن سالىستىرعاندا جول-كٶلٸك اپاتى -22, قازا بولعاندار - 16, جاراقاتتانعاندار - 23 پايىزعا تٶمەندەگەنٸ بايقالادى. جول-كٶلٸك اپاتىنىڭ نەگٸزگٸ سەبەبٸ - ەلٸ دە بولسا جول جٷرۋ ەرجەسٸن بۇزۋ بولىپ تۇر. جول اپاتتارىنىڭ ٷشتەن بٸرٸ جىلدامدىق رەجيمٸن اسىرۋدان ورىن العان. مۇنداي 2 833 وقيعا بولىپ, 527 ادام قايتىس بولدى, 3 918 ادام جارالاندى. كٶلٸك اپاتى كەزٸندە 344 جاياۋ جٷرگٸنشٸ مەرت بولىپ, 2 897-سٸ جاراقات الدى. سونىمەن قاتار جاياۋ جٷرگٸنشٸلەردٸڭ كەسٸرٸنەن 356 جول اپاتى بولدى. ودان 75 ادام قازا تاۋىپ, 298-ٸ جارالاندى. ەلدٸ مەكەندەردە 6 740 جول-كٶلٸك اپاتى ورىن العان», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سەرٸك تٷسٸپوۆتىڭ اتاپ ٶتۋٸنشە, ٸٸم جول قاۋٸپسٸزدٸگٸن قامتاماسىز ەتۋگە باعىتتالعان شارالار كەشەنٸن تۇراقتى تٷردە جٷزەگە اسىرىپ كەلەدٸ. جولدارداعى باقىلاۋ كٷشەيتٸلگەن.
ەلدٸمەكەندەردە پاتۋرلدٸك پوليتسييا كەزەكشٸلٸككە شىعاتىن 2 مىڭنان استام باعدار مەن قالا ماڭىنداعى 211 اۆتوموبيل جولى ايقىندالعان.
«مٷددەلٸ مەملەكەتتٸك ورگاندارمەن بٸرگە جەدەل الدىن الۋ شارالارى تۇراقتى ٶتكٸزٸلەدٸ. جىل باسىنان بەرٸ پوليتسييا قىزمەتكەرلەرٸ 3 ميلليونننان استام جول جٷرٸسٸ ەرەجەسٸن بۇزۋشىلىقتى انىقتادى. 119 مىڭ جاياۋ جٷرگٸنشٸ ەكٸمشٸلٸك جاۋاپكەرشٸلٸككە تارتىلىپ, كٶلٸگٸن ماس كٷيدە جٷرگٸزگەن 13 مىڭ جٷرگٸزۋشٸ ۇستالدى. سوت 15 مىڭنان استام جٷرگٸزۋشٸنٸ كٶلٸك جٷرگٸزۋ قۇقىعىنان ايىردى. جول جٷرٸسٸ ەرەجەسٸن بۇزعان 12,5 مىڭ ادام ەكٸمشٸلٸك تۇتقىنعا الىندى», - دەدٸ سەرٸك تٷسٸپوۆ.
