Biyl aýyl sharýashylyǵy daqyldarynyń egis kólemi 22,8 mln gektar quraidy. B9l týraly QR Aýyl sharýashylyǵy birinshi vitse-ministri Aidarbek Saparov málim etti, dep habarlaidy QazAqparat.
«Memleket basshysy Qasym-Jomart Kemeluly Toqaev kóktemgi dala jumystaryn tolyq kólemde jáne ońtaily merzimde júrgizý úshin jaǵdai jasaýdy tapsyrdy. Atalǵan tapsyrmany oryndaý úshin barlyq sharalardy qabyldap, sharýalarmen únemi bailanysta jumys júrgizemiz. Biyl aýyl sharýashylyǵy daqyldarynyń egis kólemi 22,8 mln gektar quraidy. Osy jyly ákimdikterge áleýmettik mańyzy bar daqyldardyń, onyń ishinde kartop, qaraqumyq, qant qyzylshasy, maily jáne jemshóp daqyldarynyń alqaptaryn keńeitýge erekshe nazar aýdarý usynyldy», - dedi A. Saparov Ortalyq kommýnikatsiialar qyzmetinde.
Onyń aitýynsha, jalpy egis jumystary ońtaily merzimde shtattyq rejimde ótýde. Sharýalar ylǵal jabý, kóktemgi jer jyrtý men óńdeý siiaqty mańyzdy tehnologiialyq operatsiialaryn ýaqtyly júrgizdi.
«Qazirgi ýaqytta kóktemgi dala jumystary respýblikanyń barlyq óńirlerinde júrgizilýde. Atap aitqanda, búgingi kúni jalpy egis alańynan 16,7 mln gektar nemese 88,5 paiyzy egildi, bul ótken jyldan 1,5 mln gektarǵa artyq. Sonyń ishinde: dándi daqyldar - 13,1 mln ga nemese 87,2%, maily daqyldar 2,7 mln ga nemese 93,6%. 1 mln gektar basqa da daqyldar sebildi», - dedi birinshi vitse-ministr.
Negizgi astyq egetin oblystar mamyr aiynyń ortasynan bastap egýge kiristi. Bul rette Aqtóbe, Mańǵystaý jáne Jambyl oblystarynda egis jumystary aiaqtaldy. Almaty, Túrkistan jáne Qyzylorda oblystarynda aiaqtalý satysynda.
«Jalpy, oblys ákimdikteriniń derekteri boiynsha biyldyń egis naýqanyn 3 maýsymǵa deiin aiaqtaý josparlanyp otyr», - dedi Aidarbek Saparov.
