QR Ulttyq ekonomika ministrligi Statistika komitetiniń tóraǵasy Nurbolat Aidapkelov biyl bolatyn Ulttyq halyq sanaǵynyń erekshelikteri týraly aitty, dep habarlaidy "Ult aqparat".
«Birinshi erekshelik - qaǵazben jumys isteý bolmaidy. Saýalnama jaýaptary planshetke engiziledi. Ekinshi erekshelik - interviýerlerdi úiine kirgizýdi qalamaityn adam sanaq.gov.kz arnaiy saityna kirip, sanaq paraqtaryn óz betimen toltyra alady. Bul - óte yńǵaily nárse», - deidi Nurbolat Aidapkelov.
Ol qazan aiynyń 1 men 15 aralyǵynda, iaǵni tikelei halyq sanaǵynyń alǵashqy 15 kúninde internet-saýalnama júrgiziletinin aitty.
«Sonymen birge saitta respondentterge arnalǵan túsindirmeler men arnaiy virtýaldy kómekshi de bar. Internet-saýalnamamen qatar 1-30 qazan aralyǵynda interviýerler jappai saýalnama júrgizedi. Saýalnama jaýaptary planshetke engiziledi. Internet arqyly málimetter bergen respondentter interviýerler júrgizetin saýalnamaǵa qatyspaidy. Halyqqa saýalnama júrgizý barysynda respondentti sáikestendirý úshin suralatyn adamnyń JSN-i paidalanylady. Saýalnama aiaqtalǵanda, halyq sanaǵynan ótkeni týraly anyqtama beriledi», - deidi ol.
