قر ۇلتتىق ەكونوميكا مينيسترلٸگٸ ستاتيستيكا كوميتەتٸنٸڭ تٶراعاسى نۇربولات ايداپكەلوۆ بيىل بولاتىن ۇلتتىق حالىق ساناعىنىڭ ەرەكشەلٸكتەرٸ تۋرالى ايتتى, دەپ حابارلايدى "ۇلت اقپارات".
«بٸرٸنشٸ ەرەكشەلٸك - قاعازبەن جۇمىس ٸستەۋ بولمايدى. ساۋالناما جاۋاپتارى پلانشەتكە ەنگٸزٸلەدٸ. ەكٸنشٸ ەرەكشەلٸك - ينتەرۆيۋەرلەردٸ ٷيٸنە كٸرگٸزۋدٸ قالامايتىن ادام sanaq.gov.kz ارنايى سايتىنا كٸرٸپ, ساناق پاراقتارىن ٶز بەتٸمەن تولتىرا الادى. بۇل - ٶتە ىڭعايلى نەرسە», - دەيدٸ نۇربولات ايداپكەلوۆ.
ول قازان ايىنىڭ 1 مەن 15 ارالىعىندا, ياعني تٸكەلەي حالىق ساناعىنىڭ العاشقى 15 كٷنٸندە ينتەرنەت-ساۋالناما جٷرگٸزٸلەتٸنٸن ايتتى.
«سونىمەن بٸرگە سايتتا رەسپوندەنتتەرگە ارنالعان تٷسٸندٸرمەلەر مەن ارنايى ۆيرتۋالدى كٶمەكشٸ دە بار. ينتەرنەت-ساۋالنامامەن قاتار 1-30 قازان ارالىعىندا ينتەرۆيۋەرلەر جاپپاي ساۋالناما جٷرگٸزەدٸ. ساۋالناما جاۋاپتارى پلانشەتكە ەنگٸزٸلەدٸ. ينتەرنەت ارقىلى مەلٸمەتتەر بەرگەن رەسپوندەنتتەر ينتەرۆيۋەرلەر جٷرگٸزەتٸن ساۋالناماعا قاتىسپايدى. حالىققا ساۋالناما جٷرگٸزۋ بارىسىندا رەسپوندەنتتٸ سەيكەستەندٸرۋ ٷشٸن سۇرالاتىن ادامنىڭ جسن-ٸ پايدالانىلادى. ساۋالناما اياقتالعاندا, حالىق ساناعىنان ٶتكەنٸ تۋرالى انىقتاما بەرٸلەدٸ», - دەيدٸ ول.
