QR Strategiialyq josparlaý jáne reformalaý agenttiginiń tóraǵasy Qairat Kelimbetov biylǵy halyq sanaǵy qalai ótetinin aityp berdi, dep habarlaidy QazAqparat.
«Bul másele jaqynda reformalar jónindegi Joǵarǵy keńeste qaraldy. Ázirge bizdiń boljamdarymyzǵa súiene otyryp, epidemiologiialyq jaǵdaiǵa qarai halyq sanaǵyn 1 qyrkúiekten qazan aiynyń sońyna deiin ótkizý sheshimi qabyldandy. Iaǵni, sanaq shamamen 2 aiǵa sozylady. Sanaq júrgizý jónindegi arnaiy memlekettik komissiia quryldy, ony Premer-Ministrdiń birinshi orynbasary Álihan Smaiylov basqarady. Qazir de komissiianyń birneshe otyrysy ótti», - dedi Qairat Kelimbetov Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, aldyńǵy sanaqtarmen salystyrǵanda biylǵy sanaqty barynsha tsifrlandyrý kózdelip otyr.
«Iaǵni, 1 qyrkúiekten 15 qazanǵa deiin Ulttyq statistika biýrosynyń arnaiy saity ashyq turady – sanaq.gov.kz. Bul sanaq aiasynda barlyq suraqtarǵa onlain jaýap berýge múmkindik beredi. Qazannyń sońǵy eki aptasynda interviýerler turǵyndardyń úilerin aralap, planshetter arqyly yńǵaily formada toltyratyn bolady.
Jalpy, biz halyq sanaǵyn ótkizýge daiyndalyp jatyrmyz. Óz ýaqytynda tiisti qarajat bólindi, olar rezervke qoiyldy jáne biýdjetti naqtylaý aiasynda Ulttyq statistika biýrosyna da, negizinen Statistika júrgizýmen ainalysatyn adamdardyń jalaqysy úshin bólinetin bolady», - dep tolyqtyrdy agenttik basshysy.
Bul sanaqtyń alǵashqy nátijelerin jyl sońyna deiin alý josparlanǵan.
