قر ستراتەگييالىق جوسپارلاۋ جەنە رەفورمالاۋ اگەنتتٸگٸنٸڭ تٶراعاسى قايرات كەلٸمبەتوۆ بيىلعى حالىق ساناعى قالاي ٶتەتٸنٸن ايتىپ بەردٸ, دەپ حابارلايدى قازاقپارات.
«بۇل مەسەلە جاقىندا رەفورمالار جٶنٸندەگٸ جوعارعى كەڭەستە قارالدى. ەزٸرگە بٸزدٸڭ بولجامدارىمىزعا سٷيەنە وتىرىپ, ەپيدەميولوگييالىق جاعدايعا قاراي حالىق ساناعىن 1 قىركٷيەكتەن قازان ايىنىڭ سوڭىنا دەيٸن ٶتكٸزۋ شەشٸمٸ قابىلداندى. ياعني, ساناق شامامەن 2 ايعا سوزىلادى. ساناق جٷرگٸزۋ جٶنٸندەگٸ ارنايى مەملەكەتتٸك كوميسسييا قۇرىلدى, ونى پرەمەر-مينيستردٸڭ بٸرٸنشٸ ورىنباسارى ەليحان سمايىلوۆ باسقارادى. قازٸر دە كوميسسييانىڭ بٸرنەشە وتىرىسى ٶتتٸ», - دەدٸ قايرات كەلٸمبەتوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, الدىڭعى ساناقتارمەن سالىستىرعاندا بيىلعى ساناقتى بارىنشا تسيفرلاندىرۋ كٶزدەلٸپ وتىر.
«ياعني, 1 قىركٷيەكتەن 15 قازانعا دەيٸن ۇلتتىق ستاتيستيكا بيۋروسىنىڭ ارنايى سايتى اشىق تۇرادى – sanaq.gov.kz. بۇل ساناق اياسىندا بارلىق سۇراقتارعا ونلاين جاۋاپ بەرۋگە مٷمكٸندٸك بەرەدٸ. قازاننىڭ سوڭعى ەكٸ اپتاسىندا ينتەرۆيۋەرلەر تۇرعىنداردىڭ ٷيلەرٸن ارالاپ, پلانشەتتەر ارقىلى ىڭعايلى فورمادا تولتىراتىن بولادى.
جالپى, بٸز حالىق ساناعىن ٶتكٸزۋگە دايىندالىپ جاتىرمىز. ٶز ۋاقىتىندا تيٸستٸ قاراجات بٶلٸندٸ, ولار رەزەرۆكە قويىلدى جەنە بيۋدجەتتٸ ناقتىلاۋ اياسىندا ۇلتتىق ستاتيستيكا بيۋروسىنا دا, نەگٸزٸنەن ستاتيستيكا جٷرگٸزۋمەن اينالىساتىن ادامداردىڭ جالاقىسى ٷشٸن بٶلٸنەتٸن بولادى», - دەپ تولىقتىردى اگەنتتٸك باسشىسى.
بۇل ساناقتىڭ العاشقى نەتيجەلەرٸن جىل سوڭىنا دەيٸن الۋ جوسپارلانعان.
