Biyl jurtqa jaqyn politsiia qaǵidatyn iske asyrý jyly bolady. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy QazAqparat.
«2021 jyl quqyq buzýdyń aldyn alý jáne jurtqa jaqyn politsiia qaǵidatyn iske asyrý jyly bolady. Bul týraly IIM basshysy Erlan Turǵymbaev vedomstvonyń alqa otyrysynda málimdedi. Memleket basshysy ótken jylǵy 1 qyrkúiektegi Qazaqstan halqyna Joldaýynda Ishki ister ministrligine jergilikti politsiia qyzmetin reformalaýdy tapsyrdy. Jańa jyldyń basynan bastap jergilikti politsiia qyzmetin reformalaý jónindegi 2021-2022 jyldarǵa arnalǵan jospar kúshine endi», - dedi Nurdildá Oraz vedomstvonyń baspasóz qyzmeti alańynda ótken brifing barysynda.
Onyń aitýynsha, qazaqstandyq politsiiany jumystyń servistik modeline kóshirý úshin «qaýipsizdikti qamtamasyz etýdegi servistik tásilder» ilki jobasy iske qosylǵan.
Ol quqyq buzý sebepteri men jaǵdailaryn taldaýdy, olardy joiý boiynsha usynys ázirleýdi, sondai-aq halyqty quqyq buzýdyń aldyn alý protsesine tartýdy kózdeidi.
«Ministr atap ótkendei, servistik modelge kóshý jáne «jurtqa jaqyn politsiia« qaǵidatyn iske asyrý - vedomstvonyń mańyzdy basymdyqtary bolyp sanalady. Bul jumysta negizgi ról quqyq buzýshylyqtardyń aldyn alý salasyndaǵy negizgi býyn retinde ýchaskelik politsiia inspektorlary qyzmetine beriledi. Ishki ister ministrliginiń habarlaýynsha, ýchaskelik politsiia qyzmetkeri azamattar úshin tanymal, qol jetimdi, bedeldi bolýy kerek. Olardyń quqyqtaryn belsendi qorǵaýy tiis», - dedi resmi ókil.
