Óńirlik kommýnikatsiialar qyzmetinde ótken onlain brifing barysynda Almaty qalasy Psihikalyq densaýlyq ortalyǵynyń direktory Sapar Rahmensheev turǵyndardy aldyn alý sharalaryn saqtaý shaqyrdy, dep habarlaidy QazAqparat.
«Belgili bolǵandai, búkil álemdegi siiaqty elimizde de COVID-19 aýrýynyń ósýi baiqalady. Osyǵan bailanysty barlyq aldyn alý sharalaryn saqtaý qajet. Betperde rejimi men áleýmettik qashyqtyqty qatań saqtaǵan jón.Adamdar kóp jinalatyn oryndarǵa barmaýǵa tyrysý qajet. Qoldy jii jýý da basty sharttardyń biri. Sanitarlyq erejelerdi saqtai otyryp, aýrýdyń aldyn alýǵa bolady», - dedi S.Rahmensheev.
Sondai-aq, bas dáriger biyl JRVI, tumaý, koronavirýs qatar júretinin jetkizdi. Sondyqtan turǵyndardy tumaý belgilerine jeńil-jelpi qaramaýǵa shaqyrdy.
«Tumaý belgilerin baiqasańyz mindetti túrde emhanaǵa júginý kerek. Ózin-ózi emdeýmen ainalysýdyń qajeti joq. Eń bastysy – dárigerlermen keńesken abzal. Habarlasqannan keiin dárigerler sizdi baqylaýǵa alyp, qajetti emdeýdi taǵaiyndaidy», - dedi ol.
Eske salaiyq, almatylyq dárgerler megapolis turǵyndaryna sanitarlyq-epidemiologiialyq qaýipsizdik sharalaryn buzbaýǵa únemi keńes beredi.
Táýekel (qaýip) toptaryndaǵy: 65 jastan asqan qart adamdar, kez kelgen jastaǵy aýyr sozylmaly aýrýlary bar, tynys alý aýrýlary, aýtoimmýndyq, júrek-qan tamyrlary jáne qaterli isik aýrýlary, qant diabeti bar adamdar úide bolýy kerek. Adamdar kóp jinalatyn jerlerge barý óte qaýipti, onyń ishinde úilený toiy, jerleý rásimderi, eske alý jáne taǵy basqasy bar.
