Sybailas jemqorlyq quqyq buzýshylyqtar týraly habarlaǵan 145 adam marapattaldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov málim etti, dep habarlaidy "Ult aqparat".
«Eger kináli tulǵaǵa qatysty ákimshilik jaza qoldaný týraly sot qaýlysy nemese aiyptaý úkimi zańdy kúshine engen jaǵdaida, sybailas jemqorlyq quqyq buzýshylyq faktisi týraly habarlaǵan nemese sybailas jemqorlyqqa qarsy is-qimylda ózge de jolmen járdemdesetin adamdarǵa birjolǵy aqshalai syiaqy tólenetinin eske salamyz. Biylǵy jyldyń 9 aiynda sybailas jemqorlyq quqyq buzýshylyqtar týraly habarlaǵan 145 adam jalpy somasy 23 mln 664 myń teńgege marapattaldy», - dedi Biǵaidarov.
Onyń aitýynsha, agenttik osy baǵytta quqyqtyq mádenietti jáne azamattardyń memlekettik bilik institýttaryna senimin arttyrýǵa baǵyttalǵan júieli aldyn alý jumystaryn júrgizýde. Aldyn alý is-sharalarymen qatar sybailas jemqorlyqqa qarsy kúres isinde jazanyń bultartpastyǵy da mańyzdy qaǵidat.
