Qazaqstannyń Ýkrainadaǵy Elshisi Darhan Káletaev Ýkrainanyń ár túrli aimaqtaryn usynatyn qazaq diasporasynyń belsendilerimen kezdesti, dep habarlaidy "Ult aqparat".
«Áńgimelesý barysynda qazaqstandyq diplomat Qazaqstan Respýblikasy Táýelsizdiginiń 30 jyldyǵyn merekeleýge daiyndyq týraly, sondai-aq Elshilik jumysynyń basym baǵyttary týraly, onyń ishinde sheteldegi qandastardy qoldaý máseleleri boiynsha habarlady», delingen elshiliktiń Telegram paraqshasynda.
Osy turǵyda Ýkrainadaǵy qazaq diasporasyn birlesken is-sharalar arqyly odan ári konsolidatsiialaý máseleleri talqylandy.
«Jinalysqa qatysýshylardyń jalpy pikiri boiynsha, biylǵy jyldyń basty oqiǵalarynyń biri – Ýkraina qazaqtarynyń quryltaiy bolady, onyń barysynda birqatar mańyzdy sheshimder qabyldaý josparlanyp otyr, sonyń ishinde Ýkrainanyń qazaqtar qaýymdastyǵyn qurý qaralady», delingen habarlamada.
Kezdesý sońynda Elshi «ISKA Ukraine» kikboksing federatsiiasynyń prezidenti Nikolai Akijanovty joǵary ataǵymen - Ýkrainanyń kikboksingke eńbegi sińgen jattyqtyrýshysynyń berilýimen quttyqtady.
