Biyl Ulttyq biryńǵai testileý erejesin buzǵan talapkerler memlekettik bilim berý granttarynan óz erkimen bas tartty. Bul týraly búgin «Adal bilim» jemqorlyqqa qarsy is-qimyl jobalyq keńsesiniń ákimshisi Sergei Pen aitty, dep habarlaidy QazAqparat.
«2020 jyly ótken jylmen salystyrǵanda Ulttyq biryńǵai testileý kezinde tyiym salynǵan zattar 70 ese az alyndy. Degenmen, is júzinde árbir jaǵdai boiynsha nátijeni joiýǵa qatysty qabyldanǵan shara 100 ese kóp boldy», - dedi ol ministrliktiń apparat jinalysynda.
Osy oraida «Adal bilim» jemqorlyqqa qarsy is-qimyl jobalyq keńsesiniń ákimshisi naqty tsifrlardy alǵa tartty.
«Aitalyq, ótken jyly mundai 24, al biyl 2,5 myń jaǵdai tirkeldi. Iaǵni, video jazbalardy qaraǵannan keiin osynsha talapkerdiń nátijesi UBT erejesin buzǵany úshin joiyldy. Bul «eger seni UBT kezinde qolyńnan ustap almasa da, video jazbalardy zerdelegennen keiin báribir jaýap beresiń» degen jaqsy belgi boldy. Munyń zor tárbielik máni bolǵanyn da baiqadyq. Óitkeni, eskertý alǵan balalar granttar aiyrý týraly resmi sheshimdi kútpesten odan óz erkimen bas tartty», - dedi Sergei Pen.
