بيىل ۇلتتىق بٸرىڭعاي تەستٸلەۋ ەرەجەسٸن بۇزعان تالاپكەرلەر مەملەكەتتٸك بٸلٸم بەرۋ گرانتتارىنان ٶز ەركٸمەن باس تارتتى. بۇل تۋرالى بٷگٸن «Adal bilim» جەمقورلىققا قارسى ٸس-قيمىل جوبالىق كەڭسەسٸنٸڭ ەكٸمشٸسٸ سەرگەي پەن ايتتى, دەپ حابارلايدى قازاقپارات.
«2020 جىلى ٶتكەن جىلمەن سالىستىرعاندا ۇلتتىق بٸرىڭعاي تەستٸلەۋ كەزٸندە تىيىم سالىنعان زاتتار 70 ەسە از الىندى. دەگەنمەن, ٸس جٷزٸندە ەربٸر جاعداي بويىنشا نەتيجەنٸ جويۋعا قاتىستى قابىلدانعان شارا 100 ەسە كٶپ بولدى», - دەدٸ ول مينيسترلٸكتٸڭ اپپارات جينالىسىندا.
وسى ورايدا «Adal bilim» جەمقورلىققا قارسى ٸس-قيمىل جوبالىق كەڭسەسٸنٸڭ ەكٸمشٸسٸ ناقتى تسيفرلاردى العا تارتتى.
«ايتالىق, ٶتكەن جىلى مۇنداي 24, ال بيىل 2,5 مىڭ جاعداي تٸركەلدٸ. ياعني, ۆيدەو جازبالاردى قاراعاننان كەيٸن وسىنشا تالاپكەردٸڭ نەتيجەسٸ ۇبت ەرەجەسٸن بۇزعانى ٷشٸن جويىلدى. بۇل «ەگەر سەنٸ ۇبت كەزٸندە قولىڭنان ۇستاپ الماسا دا, ۆيدەو جازبالاردى زەردەلەگەننەن كەيٸن بەرٸبٸر جاۋاپ بەرەسٸڭ» دەگەن جاقسى بەلگٸ بولدى. مۇنىڭ زور تەربيەلٸك مەنٸ بولعانىن دا بايقادىق. ٶيتكەنٸ, ەسكەرتۋ العان بالالار گرانتتار ايىرۋ تۋرالى رەسمي شەشٸمدٸ كٷتپەستەن ودان ٶز ەركٸمەن باس تارتتى», - دەدٸ سەرگەي پەن.
