Jyl bastalǵaly Qazaqstanda turǵyn úi baǵasy qanshalyqty ósti? Bul suraqqa QR Básekelestikti damytý jáne qorǵaý agenttigi tóraǵasynyń orynbasary Bolat Sámbetov jaýap berdi, dep habarlaidy QazAqparat.
«Ulttyq statistika biýrosynyń málimetinshe, biyl elimizde qańtar-maýsym aiynda jańa salynǵan turǵyn úidiń baǵasy 9 paiyzǵa ósken. Al qoldanystaǵy turǵyn úidiń baǵasy 14 paiyzǵa artqan. Al otandyq qurylys materialdarynyń baǵasyna kelsek, biyl qańtar-mamyr aiynda 19 paiyzǵa óskeni baiqaldy», - dedi B. Sámbetov OKQ-de ótken baspasóz máslihatynda.
Onyń aitýynsha, otandyq jáne sheteldik qurylys materialdary baǵasymen qatar, shikizattyń baǵasy da ósken.
«Osy oraida qurylys materialdaryn óndirýshiler tarapynan naryqta alypsatarlyq árekettiń oryn alǵany baiqalady. Sol sekildi agenttik ádil básekelestikti qorǵaý salasynda quqyqbuzýshylyqty anyqtady jáne ol baǵa kelisimimen bailanysty. Iaǵni baǵany óz betimen ornatý», - deidi ol.
