2022 jyly elimizde stýdentter úshin 11 myń oryndyq 32 jataqhana paidalanýǵa beriledi. Bul týraly QR Bilim jáne ǵylym ministrligi «Qarjy ortalyǵy» AQ basqarma tóraǵasy Asqar Ibraimov málim etti, dep habarlaidy QazAqparat.
«Jataqhana salýda qurylys jáne odan ári paidalaný qoldanystaǵy qurylys, órtke qarsy jáne sanitarlyq-epidemiologiialyq normalarǵa qatań sáikes júzege asyrylýy kerek. Búgingi tańda aralyq nátijeler bar - 30 630 oryndyq 124 jataqhana paidalanýǵa berildi. Sondai-aq aldyn ala jasalǵan sharttar, jergilikti biýdjet qarajatynan nysanaly qurylys, menshikti qarajat jáne demeýshilik qarajat esebinen 2022 jyly 11 myń oryndyq 32 jataqhanany paidalanýǵa berý josparlanyp otyr», - dedi A. Ibraimov Ortalyq kommýnikatsiialar qyzmetinde.
